PNTL Covalima seidauk simu relatóriu ba kazu agresaun fizika iha Suai Loro

DILI, 01 janeiru 2023 (TATOLI) – Komandante Polísia Nasionál Timor-Leste (PNTL), Munisípiu Covalima, Superintendente Asistente Polísia, Basilio de Jesus, informa Komandu PNTL Covalima seidauk simu relatóriu ba kazu agresaun fízika ne’ebé deskonfia envolve hosi membru FALINTIL-Forsa Defeza Timor-Leste (F-FDTL) hasoru joven ida iha área Suai Loro, Postu Administrativu Suai Villa, Munisípiu Covalima.
Kazu agresaun fízika ne’ebé suspeita envolve hosi membru F-FDTL hasoru joven ida iha área Suai Loro, iha loron (2/1/2023) no dadaun ne’e virál tebes iha rede sosiál facebook.
“Ha’u seidauk bele fó informasaun ba ita, tanba ha’u mós foin hatene liuhosi kolega sira, akontesimentu iha Suai Loro oinsá ne’e ha’u seidauk iha koñesimentu, no ha’u seidauk iha relatóriu ba ida ne’e”, Komandante PNTL Munisípiu Covalima Superintendente Polísia Asistente , Basilio de Jesus, dehan ba Agência TATOLI via-telefone, tersa ne’e.
Nia husu ba Komandante Eskuadra Suai Villa hodi relata kona-ba referida akontesimentu hafoin relata ba mídia.
“Hau sei follow up relatóriu ba kazu ne’e ba iha ha’u nia Komandante Eskuadra Suai Villa, depois maka bele fó fali infomasaun ba ita bo’ot sira”, konklui
Jornalista: Natalino Costa
Editór : Zezito Silva

