HEADLINE, SAÚDE

2022 : Óbitu 13 hosi pasiente tranferidu ba estranjeiru

2022 : Óbitu 13 hosi pasiente tranferidu ba estranjeiru

Ospitál MRCCC Siloam Jakarta Indonézia. Imajen Google.

DILI,04 janeiru 2023 (TATOLI) – Xefe Departamentu Apoiu Ospitalár no Enkaminamentu, iha Ministériu Saúde (MS), Emelita Augusta, dehan dezde 2022, totál pasiente 247 transfere ba estranjeiru maibé nain 13 mak la konsege salva vida (Óbitu).

”Pasiente sira ne’ebé mak tranfere ba rai-liur iha tinan 2022 hamutuk na’in 247, husi númeru ne’e, nain 13 mak mate no 234 mak moris ho kondisaun di´ak”, Emelita Augusta, informa ba jornalista sira iha nia kna’ar fatin, Caicoli, ohin.

Emelita friza husi númeru 13 ne’ebé lakon vida tanba komplikasaun moras, entaun pasiente na’in 11 mate iha Indonézia no na’in rua mate iha Singapura no iha Malazia mate laiha.

Pasiente hirak ne´ebé transfere ba exteriór, moras aas-liu mak iha Onkolojia, Kardiolojia no mós sirujia jerál. Hosi númeru pasiente sira, seidauk identifika mane ho feto hira, maibé mate mós iha feto no mane.

Tuir planu, MS sei haruka pasiente hamutuk 20 tanba pasiente sira ne´e sei pendente ho razaun selebrasaun natal no tinan foun, maske nune´´e,  MS sei hein informasaun hosi ospitál rai-liur hafoin transfere pasiente sira ba halo trantamentu saúde iha ne´eba.

”Pasiente sira ne’ebé mak pendente hela na’in 20-resin ne’ebé sei haruka hotu mak bele haree fila fali dadus sira ne’e. Tanba ami sei haree uluk pasiente sira nia kondisaun, entaun pasiente pendente agora daudaun prosesu hela, no iha loron 8 no 10 janeiru tinan ida ne’e bainhira ami simu informasaun husi hospitál rai-liur, entaun ami bele halo kedas tranferénsia”. akresenta.

Entretanto, iha 8 janeiru sei haruka pasiente na’in rua ba Singapura depois iha 10 janeiru haruka tan pasiente na’in 10 ba iha Indonézia.

Jornalista : Felicidade Ximenes

Editór : Zezito Silva

 

 

iklan
iklan

Leave a Reply

iklan
error: Content is protected !!