TDD aplika Prizaun Preventiva ba tentativu omisídiu iha BJ Habibie

DILI, 12 janeiru 2023 (TATOLI) – Tribunál Distritál Dili (TDD’) halo primeiru interogatóriu ba arguidu ho insiál OCX ne’ebé halo tentativa ómesidiu iha área ponte Habibie, Suku Bidau Lecidere, Postu Administrativu Cristo Rei, Munsípiu Dili.
Primeiru Interogatóriu, Ministériu Públiku ne’ebé reprezenta hosi Prokuradór, Napoleão Soares da Silva, promove arguidu OCX ho krime rua, mak krime omísidiu forma tentadu ne’ebé previstu iha artigu 138 no krime arma branka ne’ebé previstu iha lei númeru 5/2017 lei arma baranka.
Iha sala audiénsia, julgamentu arguidu OCX konfesa katak nia mak sona duni vítima Damaziu Correia iha área Ponte Habibie.
Hafoin tribunál rona tiha deklarasaun arguidu nian, Tribunál liuhosi Juiz Titulár ne’ebé prezide Primeiru Interogatóriu, José Gonçalves, hasai despaixu judisiáriu hodi aplika Prizaun Preventiva ba arguidu OCX.
Hafoin Primeiru Interogatóriu, defeza hosi arguidu, Defensór Públiku, Francisco Caetano Martins, hateten, TDD aplika Prizaun Preventiva tanba arguidu priénse rekezitu jerál ne´ebé previstu iha artigu 183 hosi Kódigu Prosesu Penál;
- Arguidu halai ka iha fundadu perigu ba arguidu atu halai:
- Bele iha perturbasaun ba investigasaun k aba julgamentu nomeadamente tanba iha pergu ba prova nia akizisaun, konservasaun ka verasidade; ka
- Iha fundadu perigu ba arguidu atu kontinua atividade kriminoza k aba atu iha perturbasaun ba ordem trankuilidade públika, tuir krime nia sirkunstánsia ka delikuente nia personalidade
Nia dehan hanesan defeza hakruuk ba desizaun Tribunál hodi aplika Prizaun Preventiva.
“Ita hotu nafatin hakruuk ba desizaun Tribunál tanba desizaun Tribunál mak bo’ot liu”, revela.
Defensór Públiku sei haree aprezentasaun rekursu hodi kontra desizaun tribunál.
Jornalista: Natalino Costa
Editór : Zezito Silva

