EDUKASAUN, BAUCAU, HEADLINE, MUNISÍPIU

Edukasaun Baucau sei distribui diploma estudante iha marsu

Edukasaun Baucau sei distribui diploma estudante iha marsu

Diretór Servisu Munisipál Edukasaun Baucau, Augosto Ornai Ximenes. Imajen Tatoli/Natalino Belo.

BAUCAU, 13 jeneiru 2023 (TATOLI) – Servisu Edukasaun Munisipál Baucau tuir planu sei distribui diploma ba estudante finalista sira iha fulan-marsu tinan ne’e.

Diretór Servisu Munisipál Edukasaun Baucau, Augosto Ornai Ximenes, fó sai rajaun tanba sertifikadu hamutuk rihun-lima resin distribui ona ba kada ensinu hotu atu diretór eskola asina hafoin edukasaun munisipál antes distribui ba estudante sira.

“Hafoin simu rezultadu ezame nasionál ita distribui kedas diploma ba kada ensinu sira no ita fó tempu to’o marsu tenke submete mai atu aprova nune’e fahe ba estudante sira,” Diretór Servisu Munisipál Edukasaun Baucau informa ba Agência TATOLI iha Vila Nova, sesta ne’e.

Diploma hirak-ne’e mai hosi estudante finalista hosi ensinu báziku no sekundária hamutuk na’in-5.828 iha munisípiu Baucau ne’ebé pasa iha ezame nasionál tinan ne’e.

Hosi númeru ne’e komposta hosi estudante ensinu báziku na’in-3.293 no estudante ensinu sekundária jerál hosi siénsia teknolojia na’in-1.189, programa siénsia sosiál umanidade na’in-1.108 no tékniku vikasionál aprovadu hamutuk na’in-238.

Jornalista : Natalino Belo 

Editór        : Evaristo Soares Martins  

iklan
iklan

Leave a Reply

iklan
error: Content is protected !!