iklan

HEADLINE, SAÚDE

2022: HNGV rejista pasiente lakon vida tan moras fuan hamutuk 28

2022: HNGV rejista pasiente lakon vida tan moras fuan hamutuk 28

Especialista Cardiolojista (fuan) iha HNGV, Dr.Herculano Seixas dos Santos. Imajen TATOLI/Egas Cristóvão.

DILI, 19 janeiru 2023 (TATOLI) – Espesialista Kardiolojia Hosiptál Nasionál Guido Valadares (HNGV), Herculano Seixas dos Santos, dehan iha 2022, ospitál rejista pasiente moras fuan hmutuk 152 no mate 28.

“Durante tinan 2022 pasiente moras fuan ne’ebé mak ita halo tratamentu iha HNGV hamutuk 152, husi  ne’e mate hamutuk 28 ka 18%”, Espesialista Kardiolojia HNGV, Herculano Seixas dos Santos, hateten ba jornalista iha TATOLI.

Nia afirma kazu hirak ne’e maioria mane ho 60% no feto 35 %, ida ne’e mak baixa iha HNGV durante 2022.

Tanba ho situasaun hanesan ne’e, nia hatan Governu deside atu transforma ospitál Lahane sai sentru kardi´aku nian, tuir planu Ministériu Saúde ne´ebé ona  iha tinan ne’e, hahú instala fasilidade liuliu catlap, espera programa ida ne’e la´o ho di´ak, nune’e bele estebelese sentru kardiaku iha ita nia-rain”, relata nia.

Kona-ba rekursu umanus, espesialista ne’e esplika to´o agora seidauk sufisiente atu halo tratamentu ba moras fuan liuliu intervensaun nian.

“Ami seidauk sufisiente hodi halo tratamentu ba pasiente moras fuan liuliu intervensaun nian, hnaesan tau kadeli ba fuan, entaun ami sira foti ona kardilojia jerál presiza tan kapasitasaun iha área ida ne’e durante tinan rua, depois halo intervensaun, tanba sirurjiaun ba fuan foin nain-ida entaun ida ne’e labele servisu mesak maibé tenke forma ekipa ida atu servisu hamutuk iha sirurjiaun kardiovaskular, nune’e bele halo operasaun fuan”, afirma nia.

Tanba ne’e, nia husu ba médiku joven sira atu mantein eskola ba kardilojia nian atu ba futuru bele iha sentru fuan hodi redúz transferénsia moras ba rai-liur.

“Kona-ba tratamentu, ita espera ita nia Governu bele investe makas iha sentru kardiaku atu ita bele iha sub espesialidade ne’ebé mak ho nível internasionál hodi bele rezolve ema ne’ebé mak moras fuan tanba agora daudaun ita iha facilidade no ita bele fó atendimentu ne’ebé di´ak ba ita nia popualsaun sira ho atakasaun fuan”, adiante nia.

Espesialista rekomenda ba pasiente sira ne’ebé alta ona husi ospitál atu mantein promove atitude moris ne’ebé saudável kontinua kontrola hahan masin, mina, para fuma no hemu tua. Aimoruk tenke hemu lorloron, labele falta, antes aimoruk hotu sira bele ba ona fasilidade saúde kontinua simu aimoruk tanba pasiente moras fuan ne’e médiku sira fó aimoruk to´o fulan ida.

“Ha’u iha mensajen rua ba maluk sira ne’ebé mak seidauk moras fuan, importante halo ezersísiu minutu 30 loroloron, atu hemu tua no fuma sigaru bele redúz bokur no evita hanoin barak, kontrola tensaun raan midar no kolestról sira tenke normál. Ba sira ne’ebé mak moras fuan ona disiplina hemu aimoruk labele falta no bele ba kontrola fulan-fulan iha ne’ebé ita bo´ot sira asesu fasíl.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!