Top

Tránzitu Dili hatama ona $25,757 ba kofre Estadu iha inísiu janeiru

Polísia Tránzitu Munisipiu Dili, serbisu hamutuk ho Diresaun Nasionál Transporte Terrestre (DNTT) monta tán sinál tránzitu iha área ne’ebé konsidera hanesan provoka engrafamentu. Imajen Tatoli/Natalino Costa.

DILI, 23 janeiru 2023 (TATOLI) – Unidade Tránzitu Komandu Munisipál Dili rekolle, husi 01 to’o 20 janeiru, dolar 25,757 ba kofre Estadu, revela Komandante Tránzitu Dili, Inspetór Domingos Sarmento Gama.

“Husi loron 1 to’o 20 janeiru, ita halo apreensaun ba motorizada no karreta hamutuk 377, tanba viola regra tránzitu. Hosi totál veíkulu apreendidu, infratór balun maka foin selu koima ne’ebé totaliza ona dolar 25,757”, Komandante Tránzitu Dili hateten ba jornalista sira iha nia kna’ar fatin, Caicoli, segunda ne’e.

Nia dehan, valór totál husi koima ne’ebé mak tenke selu husi nain ba veíkulu apreendidu sira ne’ebé seidauk selu mak dolar 4,301.

“Ba sira ne’ebé maka seidauk selu koima, husu atu halo ona pagamentu iha loron 90 nia-laran, hahú husi loron apreensaun. Se lae, sesaun Tránzitu Dili sei koordena ho Jestaun Patrimóniu Estadu atu halo leilaun ba sira nia veíkulu sira ne’ebé rai iha Komadu Munisípiu Dili, tuir Lei Kódigu Estrada haruka”, alerta Domingos Sarmentu Gama.

Tanba ne’e, infratór sira tenke selu sira nia koima tuir grau infrasaun ne’ebé sira komete, iha loron 90 nia-laran, hahú husi loron aprensaun veíkulu.

“Ita apela bebeik ba ita nian sidadaun sira, karik sira komete infrasaun, dentru de 90 dias, tenke mai selu devér ne’ebé maka sira komete”, Komandante Tránzitu Dili fó hanoin.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!