iklan

DESPORTU, DILI, HEADLINE, SAÚDE

Boxista Delio hahú treinu normál hafoin rekopera saúde

Boxista Delio hahú treinu normál hafoin rekopera saúde

Boxista timor-oan, Delio Anzaqeci Mouzinho. Imajen/Espesiál

DILI, 24 janeiru 2023 (TATOLI) – Boxista selesaun nasionál hanesan mós Boxista hosi klube El-Matador, Delio Mouzinho, hahú treinu normál hafoin rekopera saúde.

“Ha’u nia kondisaun di’ak los ona, kanek sira maran hotu ona, parte ain mak sei moras oituan maibé loron rua ka tolu tan di’ak ona, ha’u hahú treinu hamutuk ho kolega sira horseik no iha treinamentu ha’u sente di’ak hela laiha problema ba ha’u nia saúde, maske asidente tráfegu ne’e halo ha’u tenke deskansa”, Delio dehan ba Agência TATOLI iha Benfica Colmera Dili, ohin.

Maske saúde rekoopera ona atleta ne’e nafatin konsumu ai-moruk ne’ebé fó hosi doutór sira no nafatin kose mina ba kanek hirak ne’ebé iha nia ain no liman.

Iha sorin seluk treinadór Abilio Orlando dos Santos, reforsa tan Delio nia kondisaun laiha ona problema tanba durante loron rua hala’o treinamentu di’ak tebes.

“Delio nia kondisaun saúde rekoopera ona, ha’u observa laiha ona problema, maibé nia pezu mak sae oituan tanba durante deskansa iha uma ne’e han toba de’it semana rua nia-laran, maibé ha’u fiar katak nia fila fali mai treinu ne’e nia pezu bele fila fali ba normál”, treinadór salienta.

Antes ne e Boxista Delio Mouzinho hetan asidente tráfegu iha área Hudi-Laran Dili no evakua kedan ba HNGV hodi hala o tratamentu.

Delio A. Mouzinho “Nuhachay moris iha loron 4 fulan fevereiru tinan 2000, iha Aldeia Tchai Suku Lore Postu Administrativu Lore, Munisipiu Lautem. Oan husi Manuel Mouzinho no Elisa Mouzinho, Oan daneen (6) husi maun alin nain hitu (7).

Boxista Nuhachay hahú tama Ensinu Bazica Filial Tchai iha tinan 2009 too 2014, kontinua tama Ensinu Bazica Central Coro-Asu de Maloru iha tinan 2015 to’o 2017, iha tinan 2018 to’o 2020 Nuhachay tama ba Ensinu Sekundariu Geral Lere Anan Timor iha Lospalos Villa.

Iha tinan 2021 kontinua nia estudu supenor tha Dili Institute of Technology (DIT), foti área Petroleum Engineering, maibe se iha trimester II Nuhachay deside hapara nia estudu tanba hakarak tebes promove no dezenvolve nia kareira iha boxing.

Iha tinan 2018, Delio A Mouzinho Nullachay” hahu tama iha vida boxing iha Lospalos, Lereloho no fó treinu husi Coach Elizand Dias Monteiro Irapere. Nuhachay tuir kompetisaun dahuluk iha tinan 2019 nurika lakon iha Timor Leste.

Iha tinan 2020 Boxista ne e tama ba E Marador Boxing Club no kontinua treinu to’o selesionadu husi Federasaun Boxing Timor Leste ba tuir Sea Games 2021 iha nasaun Vietname.

Bainhira iha SEA Games Vietname Delio konsege sai hanesan segundu lugar hodi oferese medalla osan mutin ida ba Timor-Leste no marka istória dahuluk bainhira tuku monu Boxista hosi Kamboja, monu iha rin leten no lori kedan ba ospitál Vietname nian.

Jornalista: Hortencio Sanchez

Editór : Zezito Silva

 

iklan
iklan

Leave a Reply

iklan
error: Content is protected !!