iklan

EKONOMIA, HEADLINE

DNMG alerta probabilidade boot semana ne’e, akontese udan intensidade hosi fraku-forte

DNMG alerta probabilidade boot semana ne’e, akontese udan intensidade hosi fraku-forte

Imajen DNMG

DILI, 25 janeiru 2023 (TATOLI)— Ministériu Transporte no Komunikasaun liuhosi Diresaun Nasional Meteorolójia no Jeofízika (DNMG, sigla portugés), alerta ba komunidade katak probabilidade boot semana ne’e, sei akontese udan akompaña ho anin intensidade hosi fraku ba forte iha Illa Timor.

Bazeia ba nota komunikadu ne’ebé Agência Tatoli asesu kuarta ne’e, DNMG apela ba komunidade hotu atu kontinua toma atensaun ba udan bo’ot tanba tuir previzaun ne’ebe DNMG halo bazeia ba modelu meteorolojiku sira nota katak iha probabilidade boot atu kontinua akontese udan akompaña ho anin ho nia intensidade hosi fraku ba forte iha Illa Timor prinsipalmente iha kosta sul no rejiaun sentral foho sira, entre loron 25 to’o 30 janeiru ne’e.

Tuir nota komunikadu ne’e katak, akontese udan refere hetan influensia hosi fatór determinante balun hanesan, influensia hosi velosidade anin ne’ebé mak “ganha” forsa iha setór Oeste hosi Illa Timor ka Illa Java-Indonézia ne’ebé mak asosia direta ho Monsaun Ásia-Austrália fenemoenu meteorolójiku ne’ebé determina periodu udan.

Velosidade anin ne’ebé intensifika iha parte tasi tanba influénsia direta hosi diferensa presaun atmosfera nian, ninia konsekuentemente maka sei transporta “massa de ar úmido” ka anin ne’ebé bokon hosi tasi ba rai nune’e sei aumenta intensidade udan no anin iha teritóriu Timor iha semana ikus hosi fulan ida ne’e.

Tuir observa DNMG ba temperatura tasi nian ka Temperatura Superfície do Mar (TSM) ne’ebé mak kontinua aumenta manas katak dadaun ne’e tasi ilha Timor prinsipalmente setór sul hosi tasi Timor sei kotinua manas iha ne’ebé kauza esesu evaporasaun iha ilha Timor.

“Observa katak sistema baixa presaun Low pressure (L) ne’ebe mak predomina iha parte Austrália nian oeste no norte Austrália ka detór súl ilha Timor, baixa presaun (L) hanesan fenómenu natureza ida ne’ebé mak karakteriza hosi konverjénsia ka enkontru hosi movimentu ar iha sentru hosi sistema ne’e rasik.

“Ho ida ne’e sei konsentra umidade iha área ne’ebé sistema (L) forma ba. Movimentu asendente hosi sistema (L) ida ne’e transporta, “vapor da água” ka suar hosi manas ba atmosfera no posibilita hodi transforma sai kalohan nune’e bainhira kondensa sei presipita ho forma udan been, graniju ka jelu fatuk, bele mós neve ka salju. Maibé tanba Timor nia lokaliza iha rejiaun tropikal entaun difísil atu hetan graniju no neve iha superfísie,” hakerek nota komunikadu ne’e.

Hare hosi modelu meteorolójiku sira nota katak komesa hosi loron 25 to’o loron 30 fulan janeiru rejiaun Indonésia, inklui Illa Timor sei hetan influensia direta hosi Osilasaun Madden no Jullian (OMJ), nota katak estabelesimentu fenómenu ne’e maka sei intensifika konvesaun iha rejiaun ne’ebé favorese hodi aumenta ka intensifika volume udan nian iha loron hirak tuir mai.

kondisaun atmosfera ba loron hirak tuir mai mak sei kontinua hetan influénsia hosi fenómenu lokal “Brisa Marrítima” ne’ebé mak impulsiona hosi deslokamentu anin hosi tasi ba rai ne’ebé lori mós ho umidade hodi kauza udan iha fatin-fatin.

Nafatin apela bá komunidade bainhira udan bo’ot husu ba populasaun sira hadook aan nafatin hosi fatin risku sira no buka hela iha fatin ne’ebé seguru, kazu emerjénsia ruma ka karik presiza halo evakuasaun, matein kalma nafatin, evita pániku no halo tuir orientasaun Autoridade lokál ka pessoal protesaun sivíl ne’ebé besik.

Jornalista : Arminda Fonseca

Editora      : Armandina Moniz

 

iklan
iklan

Leave a Reply

iklan
error: Content is protected !!