DILI, 25 janeiru 2023 (TATOLI)–Ministru Edukasaun Juventude no Desportu (MEJD), Armindo Maia, hateten MEJD sei hamosu lei hodi regula atividade arte marsiál no sei ajusta iha kurríkulu edukasaun nasionál.
“Ita-nia polítika lezislativu atu regula atividade arte marsiál ne’e sei haree liu ba komponente edukativu ka pedagójiku, ho intensaun atu prepara kurríkulu ruma hodi ajusta atividade arte marsiál ne’e iha laran,” Ministru Edukasaun ne’e hateten ba jornalista sira hafoin ramata enkontru ho Konsellu Ministru iha Palásiu Governu, kuarta ne’e
Proposta kona-ba polítika lejislativa atu regula atividade lei arte marsiál ne’e mai hosi Ministériu Edukasaun Juventude no Desportu, maibé bainhira proposta ne’e aprezenta ona ba Konsellu Ministru haree katak asuntu ne’e presiza envolve mós ajénsia Ministeriál lubuk ida, entaun tenke envolve mós Ministériu Interior, Ministériu Defeza inklui mós Gabinete PCM.
“Lei ne’e importante duni atu bele regula atividade arte marsiál agora presiza de’it mak proposta da lei ruma atu bele apezenta ba Parlamentru nasionál hodi hetan konsiderasaun,” nia dehan.
Atividade arte marsiál ne’e bainhira regula ona iha lei, hafoin ajusta iha kurríkulu edukasaun TL nian no posibilidade sei iha diskusaun ida atu haree liu kona-ba implementasaun sira, nune’e bele regula buat sira-ne’ebé mak la fó vanatajen
Atividade arte marsiál sira, tuir membru VIII Governu Konstitusionál ne’e katak reativa ona iha tinan rua liu ba, presiza hamosu proposta-lei ruma atu bele regula, entaun proposta-lei ne’e tenke haruka ba Parlamentu Nasionál atu bele hetan aproximasaun.
Jornalista : Tomé Amado
Editór : Cancio Ximenes
Né para se mak tuda ema barak liu se mak sona malu barak liu hetan valor 10🤦🏽♂️
Tan buat at ida arte marcial ne mak ema oho malu problema tuda malu la para iha Rai laran ne o ba implementa tan buat at ida ne iha curriculum escola nian né🤦🏽♂️
Hanesan fali Timor né koalia língua portuguesa ho inglês diak lós ona mak tem que implementa tan ida nene