DILI, 03 fevereiru 2023 (TATOLI) – Represenatnte Organizasaun mundiál Saúde Interinu, Tékniku Ofisiál ba Imunizasaun, Thelge Sudath Rohana Peires, Organizasaun Mundiál Saúde (OMS) atribui fasilidade Infesaun Prevensaun Kontrolu (IPC) ho kuantidade 1.120 ba Ministériu Saúde hodi distribui ba Ospitál Referál Suai no Sentru Saúde Aileu villa.
Fasilidade hirak ne’e destina ba Ministériu Saúde liuhosi Gabinete Garantia Kualidade Saúde ba Ospitál Referál Suai no mós Sentru Saúde Aileu Villa hodi hadia prestasaun servisu liuliu iha área infesaun prevensaun kontrolu kualidade nian.
“Ekipamentu IPC hirak ne’e mak fatin tau lixu bo’ot hamutuk 60, fatin tau lixu natoon 60, fatin tau lixu kiik 60, fatin tau lixu jerál bo’ot 50, fatin tau lixu jerál natoon 60, fatin tau lixu jerál kiik 60, tolla hamoos 400, balde, aisar, kain pel 300, dispenser sabaun cair 30 no USB Kingston 32GB 40”, Thelge Sudath Rohana Peires dehan iha salaun OMS Caicoli, ohin.
Iha fatin hanesan, Diretór Gabinete Garantia Kualidade Saúde, iha Ministériu Saúde, Feliciano Pinto, agradese ba parseiru OMS ne’ebé entraga fasilidade IPC ida ne’e hodi bele ajuda profisionál saúde sira nia servisu ho di’ak.
“Ekipamentu hirak ne’e la’os ba sentru saúde hotu iha munisípiu maibé ba Ospitál Referál Suai ho Sentru Saúde Aileu villa atu halo prevensaun ba moras hada’et sira tanba ne’e husu ba médiku sira atu utiliza ekipamentu sira ne’e ho kuidadu no di’ak”, Feliciano Pinto informa.
Jornalista : Felicidade Ximenes
Editór : Zezito Silva
