DILI, 08 fevereiru 2023 (TATOLI) – Ministru Justisa Tiago Amaral Sarmento, dehan Pertamina Ingternasionál SA, kumpre nia dever hodi selu arredamentu rai iha Praia dos Cuqueiros ne’ebé sira utiliza hodi halo atividade ekonómia.
“Kada fulan, Pertamina Internasionál SA tenke kumpre obrigasaun selu arredamentu rai ne’ebé sira dadaun ne’e uza hodi halo atividade ekonómia ho montante $10.000 tuir kontratu arredamentu. Agora sira kumpre ida ne’e no agora kada fulan sira selu estável”, Tiago Sarmento dehan iha Palásiu Governu, kuarta, ohin.
Nia rekorda, Pertamina Internasionál SA, selu arrendamentu tuir volór ne’ebé determina ona iha kontratu arrendamentu ho Ministeriu Justisa iha tinan kotuk.
“Depois sira selebra akordu arrendamentu ho Ministeriu Justisa, iha tinan kotuk agora daudaun kada fulan sira sempre selu arredamentu rai ba Estadu”, nia esplika.
Governante afirma MJ mantein obriga empreza bo’ot sira ne’ebé mak uza rai no uma Estadu hodi halo atividade negósiu atu kumpre hodi selu arredamentu ba Estadu.
Jornalista: Natalino Costa
Editór : Zezito Silva
