Janeiru: MJ kontribui reseita ba Estadu hamutuk $501,385.00

DILI, 09 fevereiru 2023 (TATOLI) – Ministru Justisa Tiago Amaral Sarmento, hateten iha fulan janeiru tinan 2023, ministériu konsege hatama reseita ba kofre Estadu hamutuk $501,385.00.
“Iha fulan janeiru, Ministériu Justisa konsege hatama reseita ba kofre Estadu hamutuk $501,385.00, (Rihun atus Lima ida, Atus tolu Ualonolu resin Lima)”, Tiago Sarmento, dehan liuhosi komunikadu ne’ebé TATOLI, asesu kinta ohin.
Nia dehan, reseita sira sira ne’e mai selu arredamentu rai no uma Estadu ne’ebé empreza lokál no rai li’ur sira halo atividade ekonómiku iha Timor-Leste.
Ministériu Jusitsa sei kontinua, halo esforsu nafatin hodi averiguasaun hodi rekolla arrendamentu sira, atu regulariza rai ho uma Estadu. Hodi kumpre nafatin sira nia dever no obrigasaun, tuir lei ne’ebé mak vigór, atu nune’e hodi kontribui ba Estadu no mós Estadu tenke aplika lei ba ema hotu/sidadaun hotu, atu kumpre sai nu’udar parte ida kontribuisaun ba dezenvolvimentu ekonómia no sosiál, iha rai doben Timor-Leste”, Tiago Sarmento haktuir.
Tiago liu hosi programa no Planu Asaun Anúal (PAA) no Planu Atividade Ministériu Justisa bá tinan fiskál 2023 nian, hodi fó bibán bá Diresaun-Geral Terras Propriedades/DGTP Ministériu Justisa nian, atu asegura, kumpre no ezekuta tuir oriéntasaun no polítika, Ministru Justisa nian, iha VIII Governu Konstituisionál.
Jornalista: Natalino Costa
Editór : Zezito Silva

