MEJD distribui ona karteira eskolár 11.812 ba eskola iha territóriu nasionál

DILI, 09 fevereiru 2023 (TATOLI)–Ministériu Edukasaun Juventude no Desportu (MEJD) liuhosi Dirasaun Nasionál Patrimóniu Lojístika no Teknolojia (DNPLT) distribui ona karteira eskolár hamutuk 11.812 ba eskola sira iha territóriu nasionál, atu apoiu estudante sira iha prosesu ensinu aprendizajen.

Diretór Nasionál Patrimóniu Lojístika no Teknolojia, Pedro Pinto dos Reis, hateten totál karteira eskolár ne’ebé MEJD prodús iha tinan kotuk hamutuk 20.000, oras ne’e DNPLT distribui ona 11.812 ba eskola sira no agora falta 8.188 mak sei iha hela armajen.

“Ha’u hakarak dehan lista kada eskola mak ha’u seidauk hetan maibé lista kada munisípiu ho ninia distribuisaun sira iha hotu ha’u-nia liman, hosi nivel ida-idak nian,” Pedro Pinto hateten ba Agência Tatoli iha ninia servisu fatin Vila Verde, kinta ne’e.

Hosi metade karteira eskolár hamutuk 8.188 ne’e sei kontinua distribui tan iha semana oin, atu nune’e eskola sira-ne’ebé mak seidauk hetan meza kadeira ne’e bele asesu hotu hodi ajuda labarik sira iha prosesu ensinu aula prezensa.

Tuir nia, karteira eskolár hamutuk 11.812 ne’ebé distribui ona tuir eskola sira iha kada Munisípiu ho nivel ida-idak nian ne’e mak hanesan munisípiu Aileu eskola Ensinu Sekundáriu Jerál (ESG) hetan karteira eskola 60, ensinu báziku (EB) hetan karteira eskolár 240, Edukasaun Pre-Eskolár (EPE) hetan karteira eskolár 80, no totál karteira eskolár 380.

Distribuisaun karteira eskolár ba munisípiu Aianro ne’e, fahe ba ESG hamutuk 420, ESTV 120, Ensinu báziku 480 ho totál karteira eskolár 1.020.

Ba munisípiu Ataúro, MEJD distribui karteira eskolár ne’e ba eskola ESG ho totál00, eskola EB 60, nune’e ho totál karteira hamutuk 160.

Iha munisípiu Baucau, Governu distribui ba eskola ESG hamutuk 360, ESTV hamutuk 60, EB hamutuk 960, no ho totál hamutuk 1.380.

Distribuisaun karteira eskolár ba munisípiu Bobonaro ne’e ba eskola Ensinu Sekundáriu Tékniku Vokasionál (ESTV) hamutuk 510, eskola EB 1.255 no EPE 80 ho totál hamutuk 1.845.

Iha munisípiu Dili, MEJD distribui karteira eskolár ba eskola ESG hamutuk 360, ESTV 120, EB 520 ho totál hamutuk 1.000.

Munisípiu Ermera. Governu distribui karteira eskolár ba ESG hamutuk 70, ESTV hamutuk 270 no EB hamutuk 520 ho totál hamutuk 860.

Iha Covalima, MEJD halo distribuisaun karteira eskolár foin mak ba de’it EB hamutuk 679.

Munisípiu Lautém, Governu distribui karteira eskolár ba eskola ESG hamutuk 180, ESTV 120, EB 600 no EPE 40 ho totál hamutuk 940.

Iha munisípiu Liquiça, MEJD distribui karteira eskolár ba eskola ESG hamutuk 150 no EB 480 ho totál 630.

Munisípiu Manufahi. Governu distribui karteira eskolár ba Eskola ESG hamutuk 120, ESTV 180 no EB 800 ho totál hamutuk 1.100.

Distribuisaun karteira eskolár ba munisípiu Manatuto ne’e, Governu distribui ba ESG hamutuk 120, ESTV 240, EB 520 no EPE 80 ho totál hamutuk 960.

Ikus liu munisípiu Viqueque, MEJD distribui karteira eskolár ba eskola ESG hamutuk 420, ESTV 60 no EB 360 ho totál hamutuk 840.

Entretantu hosi prosesu distribuisaun karteira eskolár ne’ebé mak DNPLT distribui tuir nivél eskolár ne’e iha munisípiu Bobonaro nivél ESG seidauk hetan karteira eskolár, Covalima iha nivél ESG, ESTV no EPE seidauk hetan karteira eskolár no Aileu mós sei falta ESTV mak seidauk.

Muisípu Ainaro, Baucau, Dili, Ermera, Manufahi no Viqueque sei falta EPE mak seidauk hetan karteira eskolár, Ataúro sei falta ESTV no EPE inklui Liquiça sei falta ESTV.

Jornalista : Tomé Amado

Editór       : Cancio Ximenes