DILI,13 fevereiru 2023 (TATOLI) – Ministra Saúde (MS), Odete Maria Freitas Belo, klarifika katak iha enkontru nivél altu iha Zeneva, foin lalais, ne’ebé diskute kona-ba asuntu saúde ne’e fó biban ba delegasaun Ministériu Saúde Timor-Leste atu bele halo intervasaun iha enkontru nivél altu refere.
Enkontru sesaun konsellu Ezekutivu ba dala 152 iha Geneva ne’e durante semana ida, hahú loron 30 janeiru no remata iha loron 7 fevereiru ne’ebé partisipa hosi nivél ministru saúde sira no kargu xefia sira kona-ba asuntu saúde inklui Organizasaun Mundiál Saúde (OMS) sira.
“Foin lalais, ami ba Zeneva atu tuir enkontru Exekutivu Board ne’ebé ko’alia kona ba asuntu saúde nian ne’ebé mak lidera husi ha’u no hamutuk ho reprezenatnte OMS iha TL. Maibé momentu ne’eba ha’u konsluta ho doutór Arvind marthur katak ha’u lori ema nain-lima husi ne’e diretór nasionál nain-tolu, na’in rua hosi sekretaria ha’u nian ida mak loronloron akonpaña ha’u no ida seluk ne’ebé durante servisu ba haree dadus sira. No iha momentu ne’eba OMS autoriza ami hotu ne’ebé ba halo hotu intervensaun maibé públiku sira hakarak preokupa mak ha’u nia subriña”, Ministra Saúde (MS), Odete Maria Freitas Belo, deklara ba públiku iha Parlamentu Nasionál, ohin.
Ministra Odete afirma kestaun ne’e hodi responde ba preokupasaun membru Parlamentu Nasionál hosi Bankada Partidu Demokrátiku (PD), Albina Sousa, ne’ebé kestiona kona-ba sekretária privadu reprezentante Estadu Timor-Leste halo intervensaun iha enkontru nivél altu ne’e.
Iha biban hanesan, reprezentante povu iha uma fukun Parlamentu Nasionál liuhosi Deputada Bankada PD, Albina de Souza preokupa Ministra Saúde nia sekretaria privada halo intervensaun enkontru nivél altu iha Zeneva.
“Iha semana kotuk liu ba Ministra Saúde ho nia ekipa ba tuir enkontru nivél altu iha Zeneva haruka Minsitra Saúde nia sekretaria privada halo inetrvensaun kona-ba ezekutivu board tanba ne’e Ministra Saúde presiza halo klarifikasaun ba públiku atu ema hotu hatene kona-ba asuntu sira ne’e”, nia dehan.
Jornalista : Felicidade Ximenes
Editór : Zezito Silva
