MJ suspende provizóriu servisu atedimentu pasaporte komum

DÍLI, 13 fevereiru 2022 (TATOLI) – Ministériu Justisa liuhosi Diresaun Jerál Servisu Rejistu Notariadu (DGSRN), suspende hela serbisu atendimentu Pasaporte komun, tanba kaderneta pasaporte komum estoke hahú menus.
“Haree katak daudaun ne’e estoke kaderneta Pasaporte komum hela de’it 400, nune’e rezerva de’it ba atendimentu emerjénsia ba ema moras ne’ebé atu evakua ba rai li’ur (estranjeiru). Haree katak sei iha mudansa (upgrade) kualidade ba kadeneta Pasaporte nian tuir rekomendasaun Internationál Civil Aviation Organization (ICAO) nian. Tanba ne’e atendimentu ba pasaporte taka provizoriamente hodi hein kaderneta foun ne’ebé daudaun ne’e iha prosesu imprime (prodúz) iha rai li’ur”, DGSRN dehan liuhosi nota imprensa ne’ebé mak Agência TATOLI, segunda ohin.
Iha komunikadu ne’e mós fundamenta katak DGSRN sei halo fali atendimentu bainhira kompañia fornesedór hatama kaderneta pasaporte foun.
Jornalista: Natalino Costa
Editór : Zezito Silva

