Timor-Leste livre viza bainhira tama Indonézia

DILI, 13 fevereiru 2023 (TATOLI) – Ministériu Justisa Indonézia liuhosi diresaun jerál migrasaun fó sai iha 12 fevereiru katak Timor-Leste livre viza hanesan mós nasaun sia seluk iha ASEAN.

“Liuhosi karta ida ne’e, hahú 12 fevereiru ba oin Timor-Leste livre viza bainhira tama mai Indonézia tantu fronteira terestre no liuhosi aeroportu”, Ministériu Justisa Indonézia fó sai liuhosi nota imprensa ne’ebé Agência TATOLI asesu, ohin.

Nasaun hirak ne’ebé livre viza bainhira tama indonézia mak Brunei Darusalam, Filipina, Kamboja, Laos, Malazia, Myanmar, Singapura Thailandia no Vietname.

Jornalista: Hortencio Sanchez