Top

MJ sei hahú atendimentu sistema integrada online ba BI no sertidaun moris iha Marsu

Diretór Nacional Dos Registos do Notariado (DNRN) João Fernando Martins Borges.Imajen/Egas Cristovão

DÍLI, 14 fevereiru 2022 (TATOLI) – Diretór Jerál Servisu Rejistu Notariadu (DJSRN), João  Fernando Martins  Borges, informa DJSRN sei hahú fali atendimentu online ho sistema integradu atendimentu ba Bilete Identidade (BI) no sertidaun moris ba  ferik katuas,  vunerável no ba ema ho kodisaun defisiénsia.

“Tinan kotuk ita lansa ona atendimentu online ho sistema integradu, tinan ne’e, iha fulan marsu, ita sei hahú fali hodi fó atendimentu online ho sistema integradu atedimentu ba Bilete Identidade no Sertidaun Moris ba ita nia komunidade sira liuliu ferik, katuas, vunerável no ema ho defisiénsia”, João Fernando hateten ba jornalista sira iha kna’ar fatin Colmera, tersa ne’e.

Nia dehan, atendimentu online ba sistema integradu, Diresaun Jerál Servisu Rejistu Notariadu sei hahú fali iha Munisípiu Viqueque depois sei kontinua ba munisípiu sira seluk no mós postu sira seluk.

“Iha fulan marsu, ita halo fali atendimentu online ho sistema integradu ba atendimentu BI no Sertidaun Moris nia. Atedimentu ida ne’e sei haree liu ba de’it ferik, katuas, ema ho kondisaun defisiénsia no ema sira vuneravél”, nia konklui.

Jornalista: Natalino Costa

Editór : Zezito Silva

 

 

 

Publisidade

Leave a Reply

Latest Post

error: Content is protected !!