Top

CAC rejista funsionáriu 6.319 deklara ona rikusoin

Komisáriu CAC, Sérgio de Jesus Costa Hornai. Imajen TATOLI/Francisco Sony

DÍLI, 15 fevereiru 2022 (TATOLI) – Komisáriu Komisaun Anti-Korrupsaun (CAC, sigla portugés), Sergio Hornai, hateten CAC rejista ona funsionáriu iha instituisaun Estadu hamutuk 6.319.

“Hafoin lei Medida Prevensaun Kombate Korrupsaun (MPCC, sigla portugés), entra no vigór iha loron 22 fevereiru 2021, ita arrola ona instituisaun Estadu hamutuk 99 ne’ebé deklara ona redimentu bens e interese. Husi númeru ne’e, iha funsionáriu hamutuk 6.319 mak halo ona deklasaun redimentu bens e interese tuir lei númeru 7/2020 kona-ba lei MPCC nia”, Komisáriu CAC, Sergio Hornai, hateten ba jornalista sira iha nia kna’ar fatin Farol, kuarta ne’e.

Nia dehan, hosi númeru 6.319 ne’e mioria funsionáriu kargu xefia sira iha instituisaun Estadu nia.

“Ita kontinua servisu, espera katak Komisáriu CAC ne’ebé mai tenke kontinua, liuliu lei ne’ebé atribui kompeténsia ba CAC, hanesan servisu investigasaun, delegasaun kompeténsia, halo  averiguasaun, halo auto partisipasaun, halo revista ka buska tanba tuir kompeténsia órgaun polísia kriminál hanesan CAC”, Sergio Hornai konklui.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!