Komisáriu CAC Sergio Hornai agradese Estadu

DÍLI, 15 fevereiru 2022 (TATOLI) – Komisáriu Komisaun Anti-Korrupsaun (CAC, sigla portugés), Sergio Hornai, hato’o ona agradesimentu ba Estadu, tanba durante ne’e fó fiar hodi lidera CAC iha mandatu tinan haat nia-laran.
“Ha’u simu pose nu’udar Komisáriu Komisaun Anti-Korrupsaun Timor-Leste ba mandatu tinan haat, iha 21 janeiru 2018 to’o iha 21 fulan janeiru 2023, ha’u konklui ha’u nia mandatu hanesan Komisáriu CAC ba tinan haat, obrigadu ba Estadu ba konfiansa ida ne’e”, Komisáriu CAC, Sergio Hornai hateten ba jornalista sira iha nia kna’ar fatin Farol, Kuarta ne’e.
Nia dehan, durante nia mandatu iha buat balun ne’ebé mak kosege atinje mak Kargu Xefia funsionáriu sira CAC, entidade sira hotu no Parlamentu Nasionál konsege inisia Lei ba Medida Prevensaun Kombate Korrupsaun númeru 7/202, iha artigu 72 no 58 presiza iha servisu extra ordinária, servisu ida ke ho eskluzividade atu ema hotu bele kombate korrupsaun.
“Ita hahú kria kooperasaun ho Teknolojia Informasaun no Komunikasaun (TIC, sigla portugés) ne’ebé mak tutela iha Primeiru-Ministru, ita instala sistema rejistu online ba deklasaun redimentu bens interese”, Komisáriu Sergio Hornai haktuir.
Sergio Hornai, durante nia mandatu aprova mós planu estratéjiku ne’ebé dezigna ba CAC nian servisu hosi 2021-2025, nune’e orienta instituisaun CAC hanesan polísia kriminál bele halo servisu ho di’ak ba medida prevensaun kombate korrupsaun no servisu CAC.
Komisáriu CAC ne’e mós realsa durante iha nia mandatu haforsa servisu CAC nian liuliu hanesan servisu investigasaun, delegasaun kompeténsia, halo averiguasaun, halo auto partisipasaun, halo revista ka buska tenke halo razaun, tanba CAC ne’e hanesan orgaun polísia kriminál.
Hornai afirma, iha nia mandatu mós haforsa kooperasaun institusionál hodi fó kapasitasaun ba funsionáriu sira hodi kombate krime korrupsaun sira.
Jornalista: Natalino Costa
Editór : Zezito Silva

