Top

TR seidauk simu lista kandidatura husi partidu polítiku

Prezidente Tribunál Rekursu, Deolindo dos Santos. Imajen Tatoli /Francisco Sony

DILI, 21 fevereiru 2023 (TATOLI) – Prezidente Tribunál Rekursu (PTR), Deolindo dos Santos dehan to’o oras ne’e seidauk simu lista kandidatura hosi partidu polítiku.

“Maibé ita bo’ot sira hatene katak ohin loron 21 fevereiru maibé seidauk iha partidu ida mak aprezenta sira nia lista kandidatura mai Tribunál Rekursu”, Deolindo hateten ba jornalista sira iha kna’ar fatin Caicoli, tersa, ohin.

Nia esplika, bloku koligasaun partidaria ida mak submete nia pedidu mai Tribunál Rekursu iha 15 fevereiru 2023.

“Iha semana ida liubá iha Bloku koligasaun pré-eleitorál hanaran Aliança Democrático (AD)  mak hatama sira-nia pedidu mai Tribunál, entaun ida ne’e Tribunál mak sei apresia depois liuhosi plenária hafoin deside sira nia pedidu atu halo koligasaun ba elisaun 2023”, nia dehan.

Deolindo hateten, ba submisaun lista kandidatura partidu polítiku sira, tuir lei iha iha prazu loron 30 no rejistu partidu koligasaun pré-eleitorál iha prazu loron 20.

Nia rekorda, iha momentu Prezidente Repúblika dekreta loron eleisaun iha 13 fevereiru. Sura hosi loron ne’e, Partidu Polítiku sira sei iha loron 20-resin atu aprezenta lista kandidatura, enkuantu aprezentasaun lista ba koaligasaun partidaria pre-eleitorál hela de’it loron 10-resin.

Nia hatutan, submisaun lista kadidatura hosi partidu polítiku no aprezenta dokumentu koligasaun partidaria pré- eleitórál ba Tribunál bele iha loron iha fim de semana inklui loron bo’ot. Ida ne’e Tribunál autoriza ba partidu polítiku atu aprezenta lista kandidatura.

“Tribunál Rekursu iha loron 10 atu halo verifikasaun ba lista kandidatura no mós verifikasaun ba dokumentu koligasaun partidaria pré-eleitorál ne’ebé mai iha Tribunál. Hafoin Tribunál deside liuhosi plenária hodi fó sai katak partidu hira no partidu koligasaun hira mak sei bele konkore iha eleisaun parlamentár iha tinan ne’e”, nia afirma.

Entertantu Partidu Polítiku ne’ebé mak atu kokore iha eleisaun parlamentár hamutuk partidu 24.

Jornalista :Natalino Costa

Editór : Zezito Silva

 

 

Publisidade

Leave a Reply

Latest Post

error: Content is protected !!