Kablaki halakon Nagardjo ho golu mihis
DILI, 24 fevereiru 2023 (TATOLI) – Jogu Liga Futeból Timor-Leste (LFTL) segunda divizaun kontra malu entre ekipa Kablaki FC no Nagardjo FC, iha jogu ne’e ekipa Kablaki konsege halakon Nagardjo ho rezultadu mihis 1-0.
Jogu ba ekipa rua ne’e halo iha Estádiu Munisipál Dili sesta loraik ne’e no jogu ne’e dirije hosi árbitru Candido Carvalho, juiz da liña Duarte Henrique, Ricardo Amaral no árbitru rezerva Bernardinho Mascarinhas.
Bainhira árbitru hahú hú arbitu deside jogu lao iha tuku 16:00 otl ekipa rua lansa kedan kontra no atake ba malu tuir tekniku no abilidade ekipa idaidak nian.
Jogu la’o ho velosidade ne’ebé makas maske adeptu hosi ekipa rua la apoia ho másimu hanesan jogu sira liu ona ba kotuk tanba iha tribun leten estádiu nian ladún nakonu ho bolamania sira.
Maske la apoia másimu hosi adeptu jogadór ekipa rua nafatin kontente no esforsu makas hodi buka golu, maibé durante menutu 45 nia laran ekipa rua la konsege prodúz golu ruma ho nune’e rezultadu primeira parte hela ho 0-0.
Haksoit ba segunda parte udan komesa halo bokon kampu laran, maibé la fó impaktu ba ekipa rua ne’e atu halao jogu, avansadu ekipa rua lansa kontra no atake ne’ebé makas maibé seidauk hatama tan golu tanba defeza entre ekipa rua mós halo servisu ne’ebé másimu tebes hodi salva bola hosi adversáriu.
Kablaki halo jogu ho modela defensive la ansi halo golu bainhira seidauk iha alvu, enkuantu Nagardjo halo jogu ho modelu ofensivu ka halo bola aas ou bola log maibé tátiku hirak ne’e hela de’it hanesan tátiku tanba nunka hatama golu ida.
Ho jogu kalma ne’ebé Kablaki halo la hela de’it ho naran maibé hatudu rezultadu pozitivu tanba iha menutu 68 jogadór Kablaki Juvito Nacimento (9) lansa sutu livre id aba rede Nagardjo bola tama liu ba laran ikus mai muda kedan rezultadu ba 1-0.
Hosi golu ne’e mak hanesan golu ikus ba ekipa rua tanba too jogu termina laiha ekipa ida mak hatama golu nune’e too menutu 90 kompleta árbitru deside taka jogu Kablaki mak iha direitu absoluta ba vitoria ho pontu tolu no Nagardjo hela ho derrota ho pontu zero.
Eskuad Kablaki:
Januario Aby (1), Julião Soares (12), Acoly Maia (5), Armindo Quintão (2), Jorge Alves (6), Martinho Baz (19), Elidio Manuel (10), Nelson Antonio (16), Dionisio da Costa (17), Juvito Sarmento (9), Ronaldo Fernandes (21).
Suplente:
Calistro Pinto (20), Martinho da Costa (23), Lexander Moniz (13), Tito dos Santos (18), Silvestre Castro (4), Rui Gusmão (15), João Vitor (8), Moises Ximenes (14), Marcelo Gama (11), Alito da Cruz (22) no Julião Ximenes.
Eskuad Nagardjo:
Sandy Kurnya (12), Abrão Mendonça (23), Pedro Belo (4), Jobelquim da Costa (77), Costodio dos Santos (8), Fortunato Siquero (14), Rique Alves (11), José da Costa (18), Nelson Freitas (10), Leonijio da Cruz (7), Kalaus Bilasi (7).
Suplente:
Marcos Guterres (1), Andre Soares (16), Mario Neves (24), Luis Soares (22), Palomito Ribeiro (15), Manuel Cristo (13), Januario Fernandes (19), Bovio Soares (2), Agostinho Soriano (3), Bonifacio Cabral (9) no João Sequeira.
Jornalista:Hortencio Sacehez
Editór : Zezito Silva
