Top

APC halo akizisaun ba karreta 21 apoia servisu operasionál

Prezidente Autoridade Protesaun Sivíl (PAPS), Ismael da Costa Babo. Imajen Tatoli/Francisco Sony

DILI, 27 fevereiru (TATOLI) – Prezidente Autoriedade Protesaun Sivil (APC, sigla portugés) Superintendente Polísia, Ismael da Costa Babo, informa APC halo akizisaun ba karreta hamutuk 21 ho for clip, ida ne’e ajuda servisu operasionál insitusaun nian ba futuru.

Nia rekorda, iha tinan kotuk APC loke konkursu atu halo akizasaun ba viatura destina ba APC. No empreza Auto Service mak sai manan nain iha kokursu ne’e hodi hatama karreta hamutuk 21, ho tipu I-Lux inklui for clip ida atu bele ajuda servisu operasionál APC nian.

Karreta ho tipu I-Lux hamutuk 21 ne’ebé kompañia Auto Service hatama mai. Karreta ida nia folin por volta $38.000 no for clip ne’e ho folin $31.850.

“Ohin kompañia Auto Service halo serimónia entrega karreta 21 no for clip ida ba Autoriedade Protesaun Sivíl. Akizisaun ba veíkulu sira ne’e ita hola ho Orsamentu Jerál Estadu (OJE) 2022”, Ismael da Costa Babo hateten ba Jornalista sira iha nia kna’ar fatin Caicoli, segunda ne’e.

Nia dehan, akizisaun ba viatura sira ne’e importante, tanba APC ne’e nu’udar autoriedade ona, la’os hamutuk ona ho Sekretaria Estadu Protesaun Sivil, tanba nesesáriu atu hola.

“Viatura sira ne’e atu ajuda servisu operasionál Autoridade Protesaun Sivil nian iha terenu, tanba ita bo’ot sira protesaun sivil ne’e nia servisu atu fó apoiu emerjénsia no fó asisténsia ba ema hirak ne’e hetan dezastre naturál”, Babo konklui.

Jornalista: Natalino Costa

Editór : Zezito Silva

 

 

 

 

 

Publisidade

Leave a Reply

Latest Post

error: Content is protected !!