DILI, HEADLINE

Emmanuel FC halakon Karketu Dili FC ho golu úniku

Emmanuel FC halakon Karketu Dili FC ho golu úniku

Jogu Primeira Divizaun Liga Futebol Timor-Leste (LFTL) Karketu F.C Dili kontra Emmanuel F.C, iha Estadium Munisípal Dili, tersa (01/03). Imajen Tatoli/Francisco Sony

DILI, 01 marsu 2023 (TATOLI) Klube promovidu primeira divizaun Emmanuel FC susesu iha nia jornada jogu kontinuasaun Liga Futeból Timor-Leste (LFTL) hodi manán nia adversáriu Karketu Dili FC ho golu úniku ka golu 1-0.

Jogu ba ekipa rua ne’e akontese iha Estádiu Munisipál Dili kuarta loraik ne’e, iha ne’ebé anima ho adeptu hosi ekipa rua nian tur haleu metin iha tribun Estádiu nian hodi fó apoiu ba ekipa favóritu ida-idak nian.

Ho lian adeptu sira nian halo jogadór sira iha kampu laran iha vontade ne’ebé makas, ho nune’e iha menutu primeiru ekipa rua lansa kedan kontra no atake ba malu tuir tékniku no abilidade ekipa ida-idak nian ne’ebé oriente hosi treinadór sira.

Maibé ekipa rua nia forsa la diferente kontra atake hirak ne’e hela de’it hanesan kontra no atake tanba laiha ekipa ida mak prodúz golu ho nune’e termina iha menutu 45 ekipa rua tenke empata 0-0.

Hakur ba segunda parte, ekipa rua nafatin mantein iha pozisaun hodi lansa kontra no atake ba malu, maibé Karketu halo mudansa ba jogu liña klaran atu buka halo atake makas ba liña Emmanuel nian oin maibé la konsege tanba defeza Emmanuel nian sólidu no konsege salva tutuir bola ne’ebé Karketu lansa.

Estratejia Karketu nian falla totál fó biban kedan ba Emmanuel liuhosi nia avansadu Edit Savio (10) no Mario (11) atu ultrapasa tama de’it ba liña oin Karketu nian maibé seidauk konsege tanba barreira Karketu sólidu no metin tebes.

Haree ba defeza Karketu nian sólidu, treinadór Emmanuel halo mudansa jogu no obriga jogadór sira tenke kontra atake makas ba oin ho nune’e iha menutu 73 bola barullu makas iha liña Karketu nian Edit Savio aproveita oportunidade lansa kedan suta makas ida ba rede Karketu muda rezultadu ba 1-0.

Golu Edit nian ne’e hanesan save importante ba klube Emmanuel tanba to’o menutu termina laiha tan golu ruma mak akontese nune’e vitória hela ba Emmanuel rekolla pontu tolu Karketu mantein ho pozisaun zero.

Eskuad Emmanuel FC:

Fortunato Gomes. (77), Alexandre Moreira (9), Amancio Araujo (18), Cristovão de Carvalho (29), Zenedine Lopes (6), Zeferino Nheu. (12), Sandro Quintão 14, Mario Quintão (11), Juvito Moniz (3), João Sousa. (22) no Edit Savio (10).

Suplente:

Carvarinho Fernandes (1), Afonso de Carvalho (2), Carlos Soares (23), Elroi Braz (15), Jonatas Pereira (7), Luis Gusmão (17), Nilton Carvalho (25), Orlando Belo (21), Vidal Correia (5), Vivaldo Magno (13) no Bernardino de Sena (4).

Treinadór: Emilio Ribeiro

Eskuad Karketu Dili FC:

Georjinho da Silva (31), Domingos Ribeiro (5), Nataniel Reis (8), Pedro Vicente (4), Celcio Escurial (16), Orcelio Morreira (3), Zacarisas Cabral (32), Gelvanio Araujo (10), Mauricio Gonzales (11), Janieth Kamare (25) no Paulo Gally (21).

Suplente:

Ricardo Nunes (20), Januario Fonseca (17), Antonio Privirio (23), Gaudencio Monteiro (7), Antonio Martins (2), Silvestre Gama (29), José Silva (24), José Fernandes (19), Augosto da Costa (80) no Henrique da Crus (27).

Treinadór: Vicente Ramos

Jogu ne’e dirije hosi árbitru Romario Tety, juiz liña Filomeno da Silva, Henrique Pereira no árbitru rezerva Pedro Braga.

Jornalista:Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!