HEADLINE, SEGURANSA

PNTL detein sidadaun na’in-rua hatama sasan ilísitu

PNTL detein sidadaun na’in-rua hatama sasan ilísitu

Portavós Komandu PNTL, Superintendente Xefe Polísia, Arnaldo Araújo. Imajen Tatoli/Francisco Sony

DILI, 02 marsu 2023 (TATOLI) Porta vóz Komandu Jerál Polísia Nasionál Timor-Leste (PNTL), Superintendente Xefe Arnaldo Araujo, hateten PNTL liuhosi Departamentu Investigasaun Kriminál (DIK) iha kuarta (1/3) horseik, detein sidadaun na’in-rua, tanba hatama sasan ilísitu hanesan sigaru suria kaixa bo’ot ualu ho slop 800.

Sidadaun na’in-rua, ho inisiál JP no FS, autoriedade detein iha iha área Aitarak-Laran, Postu Administrativu Dom Alexo, Munisipiu Dili, hafoin importa sasan illegál hosi fronteira Covalima mai Dili ho kamioneta.

Nia konta, bainhira sidadaun na’in-rua hatun sasan iha área Aitarak-Laran, DIK hetan informasaun hosi parte servisu intelijénsia. Hafoin ne’e tún kedan ba terenu hodi lori sidadaun sira ne’e ba Komandu Jerál PNTL Caicoli hodi submete ba prosesu identifikasaun.

“Hafoin halo tiha identifikasaun ba sidadaun na’in-rua, polísia detein kedan iha sela polísia Komandu PNTL Caicoli ho oras 72 molok submete ba prosesu legál”, Superintendente Xefe Arnaldo Araujo hateten ba jornalista sira iha Komandu Jerál PNTL, Caicoli, kinta ne’e.

Tanba sa mak sasan ilísitu ne’e to’o Dili mak foin identifika fali, Porta vóz Arnaldo, hatan Komandu PNTL komprometidu mantein asegura fronteira sira atu prevene sasan ílisitu labele tama maibé membru Unidade Polísia Fronteira (UPF) deskansa, illegal sira aproveita.

“Ami nia polísia liuliu UPF sira servisu oras 24 iha liña fronteira, maibé agora hanesan ema kuandu deskansa ita-nia ema sira ne’e aproveita situasaun sira ne’e hodi hatama sasan sira ilísitu mai hosi fronteira”, nia informa.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!