DESPORTU, DILI, HEADLINE

KPI reune ho treinadór hosi federasaun hitu ba SEA Games

KPI reune ho treinadór hosi federasaun hitu ba SEA Games

Bandeira RDTL. Imajen Tatoli/Francisco Sony

DILI, 08 marsu 2023 (TATOLI) Prezidente Komisaun Integradu (KPI) Zeferinho Viegas Tilman konvoka enkontru ho ofisiál no treinadór federasaun hitu ne’ebé mak atu ba kompete iha SEA Games Kamboja tinan ne’e.

Objetivu hosi enkontru ne’e, atu halo avaliasaun hodi mellora servisu relativamente ho preparasaun Atelta SEA Games Kamboja”, tenik Prezidente KPI liuhosi komunikadu ne’ebé Agência TATOLI assesu hosi mídia Konfederasaun Desportiva Timor-Leste (CDTL-sigla portugés), ohin.

Durante enkontru, treinadór no atleta sira husu ba parte CDTL KPI atu haree didiak alimentasaun ne’ebé mak atelta sira konsumu kada loron iha kazerna PM.

Relasiona ho preokupsaun hirak ne’e, parte KPI anota atu hadia liután no sei mellora durante preparasaun atelta fulan rua nia-laran iha kazerna PM to’o kontizente Timor-Leste dezloka ba kompete SEA Games Kamboja iha maiu.

“Preokupasaun treinadór sira-nian durante enkontru mak alimentasaun ba ita-nia atleta sira, ita sei hadia atu bele fó kondisaun di’ak ba sira antes aranka ba Kamboja”, Zeferino haktuir.

Rekorda fali katak federasaun hitu ne’ebé mak sei ba kompete iha SEA Games Kamboja 2023, mak Federasaun Atletizmu Timor-Leste (FTA), Federasaun Taekwondo Timor-Leste (FTTL), Federasaun Siclismu Timor-Leste (FSTL), Federasaun Voliból Timor-Leste (FVTL)- Voley Praia, Federasaun Karate-Do Timor-Leste (FKTL), Federasaun Futeból Timor-Leste (FFTL) no Federasaun Boxe Amadora Timor-Leste (FBATL).

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!