iklan

JUSTISA, HEADLINE

UNDERTIM submete lista kandidatura ba TR

UNDERTIM submete lista kandidatura ba TR

DILI, 14 marsu 2023 (TATOLI) Vise Sekretáriu Jerál Unidade Nacional Democrática da Resistencia Timorense (UNDERTIM), Adolfo da Silva Watumisa, dehan UNDERTIM submete ona lista kandidatura ba Tribunál Rekursu hodi konkore iha eleisaun lejislativa.

“Ohin ami mai submete ami nia lista kandidatura ba Tribunál Rekursu. Ami nia dokumentu Tribunál simu tiha ona no hein desizaun hosi Supremu Tribunál Rekursu”, Adolfo da Silva Watumisa hateten ba jornalista sira iha Tribunál Rekursu Caicoli, tersa ne’e.

Nia dehan, dokumentu ne’ebé mak UNDERTIM submete ba Supremu Tribunál Justisa  priénse ona rekezitu.

“Lista kandidatura ne’ebé ohin ami aprezenta ne’e iha ema 65 mak nu’udar lista efetivu ba Parlamentu Nasionál no lista suplente iha ema 25”, nia subliña.

Watumisa fiar katak iha Eleisaun Parlamentár tinan ne’e, UNDERTIM sei liu bareira hodi reprezenta povu iha uma fukun Parlamentu Nasionál.

“UNDERTIM prontu ona hodi konkore iha eleisaun parlamentár tinan ne’e, tanba ami-nia partidu ne’e hamutuk ho povu no sei fila fali ba povu mak determina iha votu”, nia konklui.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!