Espesialista : Moras rins kauza husi tipu rua
DILI,15 marsu 2023 (TATOLI) — Médiku Espesialista Neofrolojia iha Hospitál Nasionál Guido Valadares iha (HNGV) Gustavo do Rosario da Cruz, hateten moras rins nia kauza mai husi tipu rua hanesan rins aguda no rins krónika.
“Moras rins nia kauza mai husi tipu rua hanesan rins aguda no krónika husi moras aguda ne’ebé afeta lalais ho tempu kurtu entaun normál moras rins aguda ne’e bele mai husi buat tolu hanesan pre-renál, renál no pos-renál”, Gustavo do Rosario da Cruz informa bainhira halo intrevista eskluziva iha TATOLI.IP Farol, ohin.
Nia dehan, pre-renál hanesan asidente ruma, ema monu raan fakar barak, entaun bele hetan moras rins aguda.
“Renál hanesan moras ne’ebé primaria mai husi duni moras rins ne’ e rasik liuliu ba labarik sira ne’ebé mak sofre moras rins dezde kiik to’o bo’ot, ida ne’e bele provoka ba pre-renál ka provoka husi aimoruk balun ita konsumu anti inflammatory sira hanesan ibu profin, entaun bele hamosu moras renál ida ne’e bele provoka moras rins”, nia afirma.
Nia esplika, pos-renál mai husi obstrusaun fatuk iha rins bele provoka tumor hodi hamosu rins tanba moras ne’e mak akontese barak iha Timor-Leste.
Moras rins krónika nia progresu to’o fulan tolu entaun ita análiza ba raan no mós halo X-Ray ba moras ida ne’e tanba moras ne’e kauza husi moras sira seluk ne’ebé iha hanesan diabetes ka raan midar ne’e mak okupa primeiru lugar iha mundu tuir mak tensaun no glukosa patia ne’ebé mak hetan husi idade kiik to’o agora no rins krítiku no polítistiku no prosesu ba obstrusaun fatuk.
“Ita iha Timor-Leste, pasiente ne’ebé sofre moras rins kauza maka’as ba pasiente sira banihira to’o iha HNGV mak moras tensaun depois mak raan midar no glukosa patia no rins polístiku ne’ebé mak daudaun ne’e pasiente sira halo tratamentu hela”, nia esplika.
Sintomas rins ne’ebé banihira mosu ba ema mak isin manas provoka bee doko no soe bee kiik susar, laran sae atu muta, ain bubu to’o kabun no hakarak toba hela de’it.
“Entaun ita halo tratamentu ba sira mak depende ba kazu sira ne’ebé mak iha hanesan iha prosesu agudu nian ita trata nia iha pre-renál entaun fo tratamentu atu labele kauza ba moras rins. Depois iha obstrusaun fatuk ruma iha rins ne’eba presiza halo tratamentu lalais atu labele to’o iha grave, nune’e ba sira ne’ebé mak moras rins krónika ita tenke trata tuir nia estadium tanba iha ne’eba estádiu 1, 2, 3, 4 to’o 5 tanba ita hareee pasiente raan midar tenke trata ho di’ak atu labele to’o tempu naruk”, nia konklui.
Jornalista : Felicidade Ximenes
Editór : Zezito Silva
