iklan

INTERNASIONÁL, DILI, HEADLINE

Korea Súl louva traballadór timoroan

Korea Súl louva traballadór timoroan

Enviadu espesiál Ministru Negósiu Estranjeiru Korea Sul, Kim Chang-Beom bainhira halao sorumutu ho Ministra Negósiu Estranjeiru no kooperasaun (MNEK), Adaljiza Xavier R. Magno, iha edifísiu Praia dos Coqueiros, Dili, kinta (16/03/2023). Imajen Tatoli/António Gonçalves

DILI, 16 marsu 2023 (TATOLI) – Enviadu Espesiál Ministru Negósiu Estranjeiru Korea Súl Kim Chang, dehan Governu Korea louva ho traballadór timoroan ne’ebé servisu iha Korea tanba badinas no foku duni ba servisu.

“Ami haree timoroan sira servisu iha ne’ebá mesak laran di’ak de’it, badinas, halo adaptasaun ne’ebé lais tebes ho nune’e, mak ami halo avaliasaun no hatudu katak traballadór timoroan di’ak tebes”, Kim hateten ba jornalista sira iha Salaun Ministériu Negósiu Estranjeiru no Kooperasaun (MNEK) Dili, ohin.

Nia revela, ho komportante servisu ne’ebé di’ak mak Governu Korea hakarak aumenta tan númeru traballadór.

“Ami sei hasae tan númeru traballadór atu ba servisu iha Korea liuliu iha área fábrika nian, iha tinan sira ba kotuk Korea fó de’it traballadór hamutuk na’in-500, maibé iha tinan ida ne’e ba oin sei hasa’e ba ema na’in-1000 no sei iha posibilidade liután hosi númeru ne’ebé temi ne’e”, nia relata.

Nia hatutan, dalaruma traballadór sira komete erru durante servisu iha Korea maibé Governu Korea konsidera normál, bele rezolve ho di’ak no husu nafatin ba joven timoroan sira atu prepara aan di’ak liután atu bele ba servisu iha Korea.

“Joven sira iha Timor-Leste prepara imi-nia aan, aprende lian Korea halo didi’ak, ami la taka dalan ba imi atu ba servisu iha Korea”, nia hakotu.

Jornalista:Hortencio Sancehez

Editór : Zezito Silva

iklan
iklan

Leave a Reply

iklan
error: Content is protected !!