DILI, 20 marsu 2023 (TATOLI) – Embasadór Austrália iha Timor-Leste William Terrence Costello sente kontente no louva traballadór timoroan sira ne’ebé servisu iha Austrália
“Ita-nia servisu laborál nian ka Austrália Labour Mobility nian, ita hotu sai testamuña katak servisu ne’e kapas los no bele akomula timoroan barak ba servsiu no servisu ida ne’e importante los tanba timoroan barak ba servisu iha ne’ebá bele hetan esperiénsia no buat barak”, Diplomata Austrálianu dehan iha Palásiu Governu, ohin.
Nia dehan, kooperasaun nasaun rua ba programa Austrália Labour Mobility tenke kontinua la’o ba oin nafatin tanba fó vantajen ba Austrália no Timor-Leste.
“Servisu kooperasaun entre nasaun rua nafatin kontinua ba oin, Timor-Leste presiza rendimentu liuliu joven sira, entaun nasaun rua bele fasilita malu liuhosi programa sira hanesan ne’e”, nia revela.
Tuir dadus ne’ebé iha, iha 2021 to’o agora traballadór timoroan hamutuk na’in-300 mak sai ona hosi sistema Austrália Labour Mobility no seidauk entrega aan signifika sei konsidera illegal iha Austrália.
Dadus timoroan sira servisu iha Austrália
Timoroan ne’ebé servisu iha Austrália hahú 2012-2022 hamutuk na’in 8,655 hosi númeru ne’e kompostu hosi mane na’in-2,717 no feto na’in-1,026.
Servisu ne’ebé durante timoroan sira halo iha Austrália mak agrikultura no ortikultura.
Jornalista:Hortencio Sancehez
Editór : Zezito Silva
