iklan

HEADLINE, SAÚDE

Kazu Kulau, Forensik finaliza ona autopsia

Kazu Kulau, Forensik finaliza ona autopsia

Xefe Departamentu Forensik Ospitál Nasionál Guido Valadares (ONGV), Nilton Tilman. Imajen Jogerjo Guterres

DILI, 21 marsu 2023 (TATOLI) Ekipa Forensik finaliza ona autopsia ba mate isin iha Hospital Nacional Guido Valadares (HNGV) no entrega ba família atu halo serimónia funerál.

“Ami hahú ohin, halo autospia ba kazu omesídiu ne’e iha tuku 10 dadeer no remata iha tuku 13:00 resin entaun ami atu entrega ona ba família hodi halo funerál”, Xefe Departamentu Forensik Nilton Tilman, dehan ba TATOLI, ohin.

Nia informa, mate isin entrega ba família hodi halo prosesu funerál tanba rezultadu autopsia ne’e sei submete ba Ministériu Públiku.

Diretór Klíniku iha HNGV Marcelino Correira, dehan akontesimentu ne’ebé mak mosu iha Becora Kulau, iha vítima na’in tolu, família sira lori mai iha emerjénsia HNGV hodi halo tratamentu.

”Husi na’in tolu ne’ebé família sira lori mai iha tuku 10 resin kalan, mai iha emerjénsia ho kondisaun todan la kleur ida Eduardo da Costa lakon vida”, Marcelino Correira informa.

Nia esplika, profisionãl saúde sira halo tratamentu maibé ida mak la konsegue salva nia vida tanba sona iha hirus matan no pulmaun ne’ebé sofre rezulta mate.

Notísia relevante : http://HNGV hein mandadu husi MP atu halo autopsia ba kazu omesídiu iha Kulau

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!