iklan

EDUKASAUN, BAUCAU, HEADLINE, MUNISÍPIU

Edukasaun Baucau hahú implementa programa merenda eskolár

Edukasaun Baucau hahú implementa programa merenda eskolár

Diretór Servisu Munisipál Edukasaun Baucau, Augosto Ornai Ximenes. Imajen Agência TATOLI/Natalino Belo.

BAUCAU, 27 marsu 2023 (TATOLI) – Servisu Munisipál Edukasaun Baucau, hahú implementa programa merenda eskolár ba estudante sira iha munisípiu Baucau.

Diretór Servisu Munisipál Edukasaun Baucau, Augosto Ornai Ximenes, esplika, bazea ba dekretu-lei númeru 61/2022 kona-ba programa merenda eskolár, ne’ebé hahú lansa iha loron-23 marsu tanba inisíu tinan letivu sei halo dizaminasaun, formasaun kona-bá matadalan foun ba ekipa implementadór sira.

“Uluk koordenadór eskolár sira mak jere maibé agora ekipa jestaun programa merenda eskolár (EJP-merendar ekolár) mak implementa, tuir formasaun kona-ba manúal entaun ita hahú tarde,” nia informa ba Agência TATOLI iha Vila Nova, segunda ne’e.

Totál loron efetivu ba implementa programa refere hamutuk 164 ne’ebé fahe ba faze hitu ho totál orsamentu hamutuk millaun $2.4 hosi tótal EJP 35 no benefisiáriu eskola ensinu pre-eskolár 35, ensinu bázika 177.

Totál dapur 181 hosi tótal estudante hamutuk 32.629, komposta hosi estudante mane nain-16.220 no feto 16.409, hosi estudante pre-eskolár hamutuk 1.643 no ensinu báziku hamutuk 3.986.

“EJP foti uluk ona orsamentu faze dahuluk loron-22 nian tanba orsamentu boot, bainhira remata sei kontinua ba faze daruak to’o remata sei implementa tán hamutuk faze dala-neen,” Augosto Ximenes akresenta.

Tuir matadalan ekipa EJP tenke prepara ai-haan grupu tolu hanesan ai-haan haburas kompostu hosi naan, ikan, fore-keli, manutolun, fó forsa hanesan etu, batar, nú, fehuk no ai-haan protesaun hanesan ai-fuan sira hodi oferese ba estudante sira tuir kalendáriu ne’ebé estabelese kada loron iha prosesu aprendizajen ba kada ensinu eskolár.

Servisu Munisipál Edukasaun Baucau kontinua fó hanoin ba EJP sira atu implementa programa refere tuir matadalan ne’ebé estabelese ona nune’e bele kontribui ba redasaun má-nutrisaun no hasa’e vontade estudante sira durante prosesu aprenidizajen iha munisípiu Baucau.

Jornalista   : Natalino Belo 

Editór          : Evaristo Soares Martins

iklan
iklan

Leave a Reply

iklan
error: Content is protected !!