Komandante Jerál PNTL relata programa prioridade iha nia mandatu

DILI, 27 marsu 2023 (TATOLI) – Komandante Jerál Polísia Nasionál Timor-Leste (PNTL), Komisáriu Jerál Polísia Henrique da Costa, nia mandatu sei fó prioridade ba programa importante sira mak atu mellora jestaun institusionál no nia atividade sira ajusta estrutura PNTL tuir lei orgánika no estatutu pesoál.
“Durante ami-nia mandatu tinan tolu, ami foti prioridade atu implementa”, Henrique da Costa, dehan iha nia diskursu durante serimónia aniversáriu PNTL ba dala-23 no tomada pose ba kargu Komandate Jerál PNTL sesante hosi Komisáriu Polísia Faustino ba Komandante Jerál Komisáriu Jerál Polísia Henrique da Costa ne’ebé halo iha edifisiu Unidade Espesiál Polísia Bairru Pite, segunda ne’e.
Programa Prioridade Komandu Jerál PNTL foun
Aselera prosesu preposizasaun no pasajen ba aprezentasaun ba sira ne’ebé priénse ona rekezitu tuir estatu PNTL. Implemnta sistema promosaun hodi promove no diversidade tuir diviza hotu hotu no promove ofisiál ne’ebé iha ona kapasidade tuir nia dalan.
Implementa sistema rekrutamentu tuir lei ne’ebé hala’o iha PNTL hosi sesaun hotuhotu bele atrai sosieadade sira. Dezenvolve kapasidade rekursu umanu hodi apoiu ba profisionalizmu iha instituisaun PNTL.
Promove partisipasaun iha feto iha pás seguransa no toma desizaun iha PNTL. Estabelese institutu superiór siénsia polísia no polísia akademia.
Estabelese asosiasaun polísia ne’ebé bele fó advogakasia ba membru PNTL hotu. Buka atu moderniza infraestrutura sistema no rekursu iha PNTL nian atu asegura infraestrutura apropriadu ba ofisiál hotu no komunidade sira ne’ebé polísia servi.
Nune’e mós asesgura katak ofisiál sira iha rekursu no nesesidade no ekipamentu seguransa nian hodi dezempeña sira nia papél hodi bele mellora membru PNTL-nia kapasidade iha komunikasaun, informasaun teknolojia oinsa atu sai di’ak liután hodi apoiu programa dijitalizasaun eletrónika Governu nian. Hemetin kontrola internál PNTL nian.
Iha mós haforsa lei no armoniza lejislasaun sira liuhosi kontinua haree fila fali no promulga hodi reforma lejislasaun sira ne’ebé flexivel hodi reponde ba tipu krime sira ne’ebé iha, hodi fó kbi’it ba ofisiál PNTL sira atu responde no kombate krime foun sira no krime ho tipu konplesidade.
Atividade seluk mak halo revizaun ba lei ho enkuadramentu sira hodi bele remodela enkuadramentu legál ne’ebé elebora ba PNTL.
PNTL mós hametin kooperasaun institusionál ninian liuhosi nia atividade ida mak kontinua estabese no hametin kooperasaun bilaterál no multilaterál ho parseiru dezenvolvimentu sira.
Hamentin kooperasaun iha rai-laran no institusaun sira ne’ebé relevante Governu nian. Hametin kooperasaun ho institusaun iha rar-li’ur no sosiadade sivil sira.
“Komandnte jerál foun sei ejize ba membru PNTL sira atu halo atividade sira ne’ebé atu mellora atendimentu públiku ho nia atividade prinsipál mak hanesan PNTL sei hasae vizibilidade iha públiku liuhosi patrollamentu lao ain, motor, karreta, inklui ho ró”, Komandante Jeral dehan.
Nia dehan, PNTL nia atividade durante nia mandatu mak hasae polísia nia presenza iha públiku oinsá PNTL bele proativu iha área tránzitu sira ne’ebé sai risku aas durante iha loron no kalan.
Hasa’e movilmentu liuhosi atividade sira komunitáriu nian oinsá envolve komunidade sira iha area atividade polísia nian. Hasae PNTL nia asesu prosidade oinsá PNTL bele iha relasaun di’ak liu ho komunidade sira hotu hodi buka solusaun ba problema sira.
Hametin PNTL nia prinsípiu tane aas valór sira uza linguajen ne’ebé apropriadu no resposta ba sidadaun sira iha kuakler atendimentu públiku nian. Sei hametin estabilidade no pás no seguransa interna lihosi manutensaun orden públika ho profisionál.
Habelar edukasaun sívika hodi hamenti no hamenus infrasaun sira inklui asidente tráfegu.
PNTL mós nia atividade kontinua hametin sistema prevensaun no rezolusaun konflitu komunitáriu nian. Hametin pás no liberdade sidadaun sira nia inklui sira nia rikusoin.
PNTL mós hametin seguransa rai ketan no garantia seguransa parlamentár no eleisaun suku ninian. Garantia seguransa ba alta entidade iha rai laran no mós hosi rai-li’ur.
“Ami hatene katak prioridade sira iha leten todan no presiza apoiu makas, maibé ami fiar katak servisu iha ekipa no parte hotu, liuliu Governu no komunidade inklui sosiadade sivil no parseiru sira hotu nia tulun hamutuk ita sei ultrapasa obstáklu sira ho di’ak, hodi kontinua alkasa objetivu hodi hametin lei no orden no proteje direitu no liberdade iha nasaun furak ida ne’e’’, Herique konklui
Jornalista: Natalino Costa
Editór : Zezito Silva

