Top

Eleisaun Lejislativa-Komandu PNTL orienta membru UPF intensifika seguransa iha fronteira

Komandante Jerál PNTL, Henrique da Costa, fó pose ba Komandante Pesoál Informasaun PNTL, Superintendente Xefe, Arqumino Ramos, iha salaun Komandu Jerál PNTL Dili, segunda (03/04). Imajen Tatoli/Francisco Sony

DILI, 03 abríl 2023 (TATOLI) – Komandante Jerál Polísia Nasionál Timor-Leste (PNTL), Komisáriu Jerál Henrique da Costa, hateten Komandu PNTL fó ona orientasaun ba membru Unidade Patrollamentu Fronteira (UPF) atu intensifika seguransa fronteira iha ámbitu kampaña eleitorál no eleisaun parlamentár.

“Agora ita hahú tama ona ba iha kampaña no mós ita sei ba eleisaun, ita orienta ona ba ita-nia Unidade Patrollamentu Fronteira (UPF) atu sira hasae liután atividade patrolamentu hodi kontrola ita-nia fronteira iha ámbitu kampaña no eleisaun”, Komisáriu Jerál Henrique da Costa hateten ba jornalista sira iha Kuartel Jerál PNTL, Caicoli, segunda ohin.

Tuir Komisáriu Jerál PNTL, membru UFP ne’ebé agora daudaun koloka iha fronteira hamutuk 300-resin, tanba ne’e husu atu kontinua halo seguransa liuhosi atividade patrollamentu atu prevene tranzasaun ilegál iha fronteira.

“Ita-nia membru UPF nafatin halo sira nia servisu bainbain no sira hasae tan atividade seguransa iha fronteira atu halo prevensaun ba atividade ilístu sira durante kampaña no eleisaun”, nia konklui.

Komandu PNTL hahú fó treinamentu ba membru atu asegura kampaña no eleisaun

Komisáriu Jerál Polísia Henrique da Costa, informa preparativu segurnasa nia ba kampaña eleitorál no eleisaun parlamentár tinan ne’e, Komandu PNTL fasilita ona membru sira tuir treinamentu, hahú hosi nasionál to’o munisípiu sira.

Nia informa, treinamentu ne’e fasilita hosi instrutór Sentru Formasaun Polísia (CFP, sigla portagés) inklui Unidade Espesiál Polísia (UEP), oinsá membru sira atu fó seguransa ba abertura kampaña ne’ebé sei hahú iha 19 abríl no eleisaun parlamentár tinan ne’e.

Jornalista: Natalino Costa  

Editór : Zezito Silva

Publisidade

Leave a Reply

Latest Post

error: Content is protected !!