Ultramar ho Porto Taibessi fahe pontu ba malu tanba forsa hanesan

DILI, 04 abríl 2023 (TATOLI) – Ekipa primeira divizaun Liga Futeból Timor-Leste (LFTL) Atletico Ultramar/Coração obrigadu tenke fahe pontu ba malu tanba forsa hanesan ne’ebé rezulta 0-0.

Jogu ba ekipa rua hanesan jogu kontinuasaun hosi LFTL époka 2022-2023 ne’ebé hala’o iha Estádiu Munisipál Dili, tersa loraik.

Hanesan baibain jogu la’o ekipa rau lansa kedan kontra no atake ba malu tuir tékniku no abilidade ekipa ida-idak nian hodi buka golu atu nune’e fó manán bele fó pontu tolu ba ekipa ida.

Kontra no atake ne’ebé ekipa rua lansa iha kampu laran be nahe aan ho dut matak mamar nia leten ne’e hatudu momos katak ekipa rua laiha forsa ne’ebé diferente ho nune’e to’o menutu primeiru termina laiha golu ruma akontese ba armada rua ne’e.

Dolar ba segunda parte ekipa rua nafatin mantein iha pozisaun hodi halo autodefeza makas ba ekipa ida-idak nian ho nune’e laiha ekipa ida mak lansa uluk golu.

Avansadu Porto nian halo kontra atake makas tebes maibé defeza Ultramar nian tenta hamate tutuir no balun guarda rede konsege salva.

Enkuantu Ultramar mós lansa kontra atake ne’ebé ho velosidade ne’ebé makas maibé defeza Porto nian hamate tutuir jogu ne’ebé Ultramar lansa halo Ultramar difisil atu fera rede Porto nian.

Jogu lao to’o menutu 82 sorte di’ak monu on aba Porto Taibessi tanba bola barullu iha liña oin Ultramar defeza Ultramar halo falta hasoru jogadór Porto árbitru foti desizaun fó kedan penalidade ba Porto.

Penalidade ne’e ezekuta hosi jogadór Yohanes Jehaman (10) mak ezekuta sutu ne’e maibé la konsege tama ba rede laran tanba guarda rede Ultramar Alexandre Leão (90) konsege baku sai bola.

Hosi rezultadu ne’e falun tristeza ba treinadór Miro Baldo no adeptu sira laiha ona korajen tanba laiha ona sorte ne’ebé mak adekuadu hodi gaña vitória atu bele hetan pontu tolu.

Hosi meiu hotu ne’ebé ekipa rua halo laiha ida mak hatama golu to’o menutu 90 termina laiha golu ruma mak akontese ekipa rua obrigadu tenke fahe pontu ba malu 1-1 no rezultadu jogu 0-0.

Eskuad Ultramar:

Alexandre Leão (90), Carlos Ximenes (16), Isak Cietano Gama (15), Yohanes Gusmão (12), Romulho Escurial (13), Albertino Ribeiro (21), Bendito Ximenes (7), Denilson Almeida (10), Rofino Walter Gama (14), Pascoal Fernandes (9), Miguel Fernandes (8).

Suplente:

Domingos Gama (20), Juninho Ximenes (3), Joel Fernandes (19), Adão Gusmão (5), Nelson Castro (23), Alexandre Boavida (4), Joege Gusmão (22), Zeca Monteiro (6), Elzo Tavares (18).

Treinadór:

Chiquito do Carmo

Eskuad Porto Taibessi:

Juvencio Henriques (1), Januario Pinto (5), Edencio da Costa (13), Frederico Sila (19), Felix Gama (15), Lazio Piedade (77), Denilson Araujo (16), Angiso Barbosa (12), Helman Asa (11), Yohanes Jehaman (10), Inocensius Ati (3).

 Suplente:

Marcio das Dores (24), Claudio Araujo (4), Miguel Silva (2), Jerico Piedade (45), Nicson Berek (6), Jardel Piedade (9), Nelvio Almeida (7), Raul Seran (20), Romer Martins (17), Derson Ulu (14), Eusebio de Almeida (8).

Treinadór: Miro Baldo Bento

Jogu ne’e dirije hosi árbitru prindsipál Francisco Pereira, Juiz liña Paulo da Costa, Ivo Moniz no árbitru rezerva Pedro Braga.

Tabela klasifikasaun provijoriu primeira divizaun LFTL

1. AD SLB ho pontu 14
2. AS Ponta Leste ho pontu 10
3. Emmanuel ho pontu 9
4. Porto Taibessi ho pontu 8
5. Assalam ho pontu 8
6. Karketu ho pontu 6
7. Ultramar ho pontu 5
8. Academica ho pontu 5
9. Aitana FC ho pontu 4

Hosi rezultadu tabele klasifikasaun ne’e hatudu katak Aitana FC dadaun ne’e tur hela iha jona risku ka jona mean ba degradasaun nian. Enkuantu Makikit Laulara alias AD SLB mantein ukun tabela klasifikasaun ne’e maibé iha ekipa seluk ne’ebé komesa rabat on aba SLB.

Jornalista: Hortencio Sanchez

Editór : Zezito Silva