AS Marca “lulun” Zebra 2-0
DILI, 05 abríl 2023 (TATOLI) – Ekipa segunda divizaun Liga Futeból Timor-Leste (LFTL) AS Marca FC susesu “lulun” nia adversáriu Zebra FC ho rezultadu 2-0.
Jogu entre ekipa rua hanesan jogu kontinuasaun LFTL époka 2022-2023 ne’ebé hala’o iha Estádiu Munisipál Dili, kuarta loraik ne’e.
Bainhira jogu la’o ekipa rua lansa kedan kontra no atake ba malu tuir tékniku no abilidade ekipa ida-idak nian atu buka golu nune’e bele fó vitória ba ekipa ida-idak nian.
Tanba domina liu bola iha kampu laran armada Marca lansa uluk golu iha menutu 2 liuhosi jogadór Carol Nacimentu muda kedan rezultadu ba 1-0.
Hosi golu ne’e helo Zebra la nonok de’it lansa mós kontra no atake makas ba Marca maibé kontra no atake hirak ne’e hela de’it hanesan kontra no atake la rezulta golu ruma.
Maske hatama ona golu maibé Marca nafatin esforsu atu prodúz liután golu atu lori sira nia ekipa ba zona aman, maibé kontra atake hirak ne’e hela de’it ho naran tanba Zebra halo blokeia ne’ebé metin to’o menutu primeira parte termina laiha tan golu ruma mak akontese rezultadu hela ho 1-0.
Dolar ba segunda parte ekipa rua nafatin lansa kontra no atake ba malu maibé Marca halo jogu ho ofensivu ka duir bola ho velosidade ne’ebé makas nune’e iha menutu 58 jogadór Carol Nacimentu lansa tan golu ida muda rezultadu metin ba 2-0 to’o menutu 90 termina laiha tan golu ruma mak akontese ho nune’e vitória hela ba Marca.
Hosi rezultadu ne’e Marca mak iha direitu absoluta ba save pontu tolu, enkuantu Zebra tenke hela ho sofrementu ka fuan kanek.
Eskuad Marca:
Yohanesan Seran Kalau (1), Natanel Barros (16), Ezaquel Moniz (96), João dos Reis (66), Janel Fernendes (33), David Mendonça (12), Filomario Mucasana (28), Claudio Faria (7), Carol Nacimentu (21), Valendinho de Jesus (99), Ezaquel da Cruz (11).
Suplente:
Alexandre Quintão (30), Carol Waitila (4), Fabrizio dos Santos (3), Duarte do Rego (8), Ronal Gusmão (23), Marcio da Costa (13), Rosario da Cruz (6), Teofilo Barros (9), Armando Leite (5), Octavianos Gonçalves (24).
Treinadór: Octavio da Costa
Eskuad Zebra:
Belmiro Belo (1), Octavio Mesquita (6), Leonel Gama (3), Gabriel Belo (21), Vasco Boavida (2), Herberto Guterres (12), Valentim Freitas (16), Juvencio Cabral (22),Ireno Correia (9), Dionisio da Silva (17), Helio Ribeiro (11).
Suplente:
João Marçal (20), Nicodemos Pereira (10), Estevão Soares (7), Olimpio Ximenes (13), Tito Belo (24), Joan Vegas (27), Olivio Belo (15), Frederico Gusmão (8), Bernardino Vaz (23).
Treinadór: Alberto Ribeiro
Tabela klasifikasaun provijoriu segunda divizaun LFTL
- AS Marca FC ho pontu 13
- DIT FC ho pontu 10
- Lica-Lica Lemorai ho pontu 7
- Zebra FC ho pontu 5
- FIEL FC ho pontu 4
- Kablaki FC ho pontu 3
- Santa Cruz FC ho pontu 3
- Nagardjo FC ho pontu 2
Jornalista: Hortencio Sanchez
Editór : Zezito Silva
