DILI, 11 abríl 2023 (TATOLI)--Diretór Jerál Sektretariadu Tékniku Administrasaun Eleitorál (STAE), Acilino Manuel Branco, hateten Impreza Nasionál Timor-Leste (INTL) hahú prodús buletin votu ba Eleisaun Parlamentár 2023 ne’ebé sei realiza iha 21 maiu.
“Impreza hahú ona prodús buletin votu iha loron 05 abríl no sei taka iha 13 maiu tinan ne’e. Laiha impaktu bainhira prodús uluk tanba prodús ne’e sei aumenta 10% hosi númeru eleitór iha territóriu nasionál,” nia hateten ba Tatoli iha nia kna’ar fatin, Caicoli, tersa ne’e.
Totál eleitór provizóriu iha Timor-Leste no iha diáspora hamutuk rihun 878-resin.
Tuir planu, iha 21 abríl 2023 ne’ e, Governu liuhosi STAE sei anunsia rezultadu resensiementu eleitorál no atualizasaun baze dadus ne’ebe foin taka iha 31 marsu 2023.
“Dadus eleitór ita sei fó sai iha 21 abril,” nia hateten.
Jornalista : Osória Marques
Editór : Cancio Ximenes
