Governu sei lansa ponte foun Kasnafar iha tempu badak
DILI, 12 abril 2023 (TATOLI)—Ministru Obra Públika (MOP), Abel Pires, hateten kona-ba projetu kontrusaun ponte foun ho estrutura metálika mota Comoro ulun (Kasnafar) Governu sei halo lansamentu iha fulan abril ne’e nia rohan.
“Ponte Kasnafar rasik konkursu públiku besik ramata ona. Ita haree ne’ebé antes Eleisaun Parlamentár (ElPar) iha fulan abril nia rohan ita bele lansa ona ba ponte ne’e rasik,” Abel Pires hateten ba jornalista iha Palásiu Governu, Dili kuarta ne’e.
Antes ne’e, Konsellu Ministru (KM) mós delibera ona hodi fó autorizasaun ba prosedimentu aprovizionamentu ho tipu konkursu públiku internasionál no ba ninia despeza plurianuál ba obra públika projetu konstrusaun ponte foun ho estrutura metálika mota Comoro ulun (Kasnafar) ho montante millaun $8,9.
Notisia relevante : MOP asina ona kontratu ba morru protesaun mota Comoro to’o Kasnafar
Enkuantu, ne’e MOP mós kontratu ho kompañia manán-na’in sira ne’ebé halo muru protesaun ba mota Comoro to’o Kasnafar mak Delta Dini Unip. Lda halo konstrusaun ba mota Comoro Lisbutak, ho totál orsamentu $194.995,10, empreza Vilagem Construction Unip. Lda sei halo manutensaun ba muru mota Comoro bá parte suku Bebonuk, postu administrativu Dom Aleixo, munisípiu Dili, ho totál orsamentu $587.515,51.
Jornalista : Arminda Fonseca
Editora : Armandina Moniz
