PGR: Mandatu Komisáriu konklui la fó impaktu ba funsionamentu instituisaun CAC

DILI, 13 abríl 2023 (TATOLI) – Prokuradór Jerál Repúblika Alfonso Lopez, hateten mandatu ba Komisáriu Komisaun Anti-Korrupsaun (CAC, sigla portugés) ne’ebé remata la afeta ba funsionamentu institusaun CAC liuliu servisu CAC nian ba investigasaun, atuasaun no prevensaun kirme korrupasaun.
“Kargu Komisáriu ne’e nomeasaun polítika, ami la tama iha ne’ebá, iha ita-nia lei kriasaun CAC tau tán Ministeriu Públiku. Kuandu Komisáriu nia mandatu hotu, serbisu la’o nafatin ho professional, Investigadór sira kontinua halo servisu investigasaun kazu kombate korrupsaun”, Prokuradór Jerál Republika Alfonso Lopez ba Jornalista sira, iha Sentru Kultural Embaixada Portugal, kinta ohin.
Nia esplika, iha Estatutu MP nian, Komisaun Anti-Korrupsaun servisu pro-orientasaun kompeténsia husi Prokuradór no ida la’o nafatin, lideransa CAC laiha, maibé CAC ne’e tenke garantia papel prinsipál ba investigasaun.
“Serbisu CAC iha parte investigasaun sei la’o normál, maske la iha Komisáriu, tanba prosesu hotu la’o ho prazu no iha kódigu prosesu penál, kada prosesu sempre iha nia prazu, bele preskreve hanesan sé la halo investigasaun prosesu ka kazu sira ne’e bele tama iha preskreve (kada luarsa ) ka kazu ne’e bele mate, kuandu ultrapassa ona prazu”, PGR Alfonso Lopez haktuir.
PGR ne’e adianta, nain ba prosesu sira mak MP, entaun prosesu hotuhotu tenke hetan delegasaun hosi Ministériu Públiku.
“Depois Komisáriu CAC nia mandate hotu, Diretór no investigadór hosi CAC halo enkotru ho Adjunta Prokuradór Jerál iha Gabinete Kombate Kriminalidade Korrupsaun iha Prokuradória Jerál Repúblika kona-ba ba oin oinsá atu CAC atu kombate korrupsaun karik mosu kazu emerjénsia sira ita labele husik tenke fiksa prazu”, nia afirma.
“Kuandu iha komplementu bele avoka, MP bele avoka fali. Tanba ne’e kuandu delega kompeténsia, investigador sira tenke kumpre ba prazu, kuandu nesesita prolonga, tanba ne’e, ida ne’e la’o nafatin, tanba Ministériu Públiku reuniaun ho investigadór sira, atu sira bele hala’o sira nia kna’ar”, nia hatutan.
Tanba ne’e, maske CAC laiha lideransa maibé investigadór sira kontinua bele atende prosesu urjente, tanba fulanfulan sira simu osan, tenke presta konta perante povu no nasaun ida ne’e.
Jornlista: Natalino Costa
Editór : Zezito Silva

