Loron mundiál hipertesaun atu hasa’e konsiénsia médika ba prevensaun detensaun no tratamentu
DILI, 17 maiu 2023 (TATOLI) – Diretora Rejionál, Rejiaun Sudeste Aziátiku Organizasaun Mundiál Saúde, Poonam Khetrapal Singh, hateten objetivu hosi loron mundiál hipertensaun mak atu hasa’e konsiénsia importánsia no komplikasaun médika sériu ba prevensaun, detesaun no tratamentu.
“Tema ba loron mundiál hipertensaun tinan ida ne’e nian ho ninia objetivu atu hasa’e konsiénsia ba importánsia hipertensaun no ninian komplikasaun médika sériu aumesmu tempu fó énfaze ba prevensaun, detesaun no tratamentu nian”, Informa iha komunikadu imprensa ne’ebé TATOLI asesu, ohin.
Hipertensaun nu’udar kauza prinsipál únika importante liuhosi mortalidade globál ba moras kardiovaskulár nian iha Rejiaun Sudeste Aziátiku OMS nian. Ho kuaze metade husi ema ho hipertensaun iha Rejiaun la konsiente ba sira-nia kondisaun sai nu’udar nesesidade urjente atu hasa’e servisu hipertensaun, hodi prevene, deteta no kontrola hipertensaun.
Hipertensaun dala barak hanaran ‘oho na’in silénsiu tanba ema barak la konsiente ba sira nian problema no husik hela sein tratamentu, bele sai dizabilidade, kualidade moris la di’ak, ka bele hetan atakasaun ka stroke ne’ebé bele hamate no dalan úniku atu hatene mak kontrola ita-nia presaun raan ho regulár.
Fatór sira risku hipertensaun ne’ebé bele hadia inklui dieta la saudável hanesan konsumu masin makas, dieta aas no bokur liu. Ladún haan ai-fuan no modo-tahan, fuma tabaku no hemu tua no todan demais ka obesidade. Muda estilu moris hanesan han dieta saudável, atu fuma no sai ativu bele hatun risku presaun raan.
Hipertensaun fó impaktu makas ba nasaun hirak ne’ebé ho rendimentu menus no médiu, la’os afeta de’it saúde maibé mós dezenvolvimentu área sosiál no ekonómiku.
Desde tinan 2014, prevensaun no kontrola moras la hada’et (NCDs) sai ona prioridade prinsipál iha Rejiaun ho esforsu alvu atu kombate hipertensaun no kontrola NCDs liuhosi bazeadu- evidénsia no kustu-efetivu.
Nasaun hothotu iha rejiaun estabelese ona baze ba populasaun nian konsumu masin atu estuda maneira konsumu kompara ho konsumu masin rekomenda husi OMS ne’ebé menus husi 5g kada ema kada loron.
Jornalista : Felicidade Ximenes
Editór : Zezito Silva
