Top

PNTL Indentifika Konselleiru Partidu Os Verdes de Timor Sico Moco

Logo PNTL (Foto/spesial)

DILI, 24 maiu 2023 (TATOLI) – Polísia Nasionál Timor-Leste (PNTL), liuhosi Departementu Investigasaun Kriminál Nasionál (DIK), halo identifikasaun ba konselleiru Partidu OS Verdes de Timor (PVT) Francisco Ximenes Fernandes ‘Sico Moco’ tanba deskonfia lansa voice hodi hotar militante no simpatizante partidu PVT inklui membru hosi Grupu Arte Rituál 77, tanba la vota ba Os Verdes hodi la liu bareira iha eleisaun parlamentár tinan ne’e, ho nune’e voice refere virál iha rede sosiál whatsApp.

“Komandu PNTL hosi Departamentu Investigasaun Kriminál (DIK) Nasionál bolu atu justifika informasaun relasiona ho voice ida iha media sosiál liuliu iha whatsApp ne’ebé dadaun ema fahe barak ona, ho nune’e autoriedade seguransa PNTL deskonfia katak informasaun voice ne’e husi ha’u”, Francisco ba jornalista sira hafoin remata indentifikasaun iha Departementu Investigasaun Kriminál Nasionál, Kuartel Jerál PNTL, Caicoli, kuarta ne’e.

Sico Moco defende polísia sira bolu ha’u mai iha fatin ne’e atu justifika informasaun voice ida iha media sosial whatsApp sai virál iha mundu.

“Sira deskonfia ha’u mak lansa mensajen hodi hotar ema no hanoin aat ba membru sira ne’ebé envolve aan tama iha Arte Ritual-77 nian”, informa Sico Moco.

Nia rejeita katak voice ne’ebé virál iha rede sosiál WhatsApp ne’e la’os nia mak halo ida ne’e, maibé deskonfia membru balun hosi partidu OS Verdes de Timor (PVT) hotu iha Munisípiu Viqueque iha suku Luca mak lansa informasaun voice refere hodi ataka membru Arte Ritual-77 inklui militante hosi PVT rasik.

“Ha’u husu ba PNTL no ita bo’ot jornalista kontinua hodi ajuda PNTL buka informasaun ida ne’e ho kle’an, tanba ha’u deskonfia membru partidu OS Verdes de Timor (PVT) naran Pedro da Costa nia mak ho intensaun aat atu destroi Unidade Nasionál, tanba ne’e husi partidu OS Verdes de Timor (PVT) nia oan sira, ha’u ne’ebé agora hanesan hela Konselleiru ba Partidu os Verde de Timor ha’u rejeita ida ne’e, tanba partidu ida ne’e hahú kedas harii, ha’u gosta partidu ne’e, tanba iha hanoin ida de’it, ami joventude laiha inimigu ba malu, maibé ami-nia inimigu maka dezempregu iha Timor-Leste, ho ida ne’e mak ha’u rasik sakrifika aan tomak ba PVT para liberta juventude lubuk ida iha rai ida ne’e, agora laiha esperansa servisu iha nia rain rasik”, Sico Moco subliña.

Iha biban ne’e mós Konselleiru PVT ne’e rejeita iha ID falsu ida ne’ebé koalia iha rede sosiál facebook tanba Partidu OS Verdes de Timor la liu bareira mak Sico Moco lakon dezesperadu halo nune’e.

“Ha’u husu PNTL atu buka tuir informasaun sira ne’ebé espalla ona iha media sosial whatsApp atu investiga hodi hatan aktu ne’ebé ema iresponsavél sira lansa, tanba partidu OS Verdes de Timor la orienta membru sira ne’ebé tama Arte Ritual-77 atu taka malu”, nia konklui.

Iha fatin hanesan, Xefe Despartamentu Investigasaun Kriminal (DIK) Nasionál, Superintendente Xefi, Polisia, Jorge Monteiro, hateten informasaun voice recorder ne’ebé dadaun ne’e espalla ona iha media sosiál, deskonfia lider ka apoiante balun hosi partidu polítiku balun halo hodi transmite atu ataka membru sira hosi grupu arte rituál 77.

“Daudaun ne’e ita halo ona indentifikasaun ba pesoál ne’ebé grava voice ne’e, hodi espalla iha media sosiál, agora ita halo indentifikasaun, ita sei determina prosesu, kontinuasaun ne’e ba iha Ministériu Públiku (MP), sei deside iha indikasaun ba krime ruma ita kontinua halo prosesu, maibé laiha ita arkiva”, nia informa.

Komandante ne’e esplika iha voice recorder ne’ebé sira lansa iha media sosiál ne’e ataka no insulta ho ameasa ema lideransa ho individual husi partidu no membru husi grupu arte ritual-77.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!