Top

Komandu PNTL sei kordena ho MS fó tratamentu ba membru ne’ebé sofre moras

Komandante Sentru Formasaun Polísia (SFP), Superentendente, Arquimino Ramos. Imajen Tatoli/ Egas Cristóvão

DILI, 25 maiu 2023 (TATOLI) – Komandante Komandu Pesoál no Formasaun, Superintendente Xefe Polísia, Arquimino Ramos, hateten Komandu PNTL sei kordena ho Ministériu Saúde atu fó tratamentu intensive ba membru PNTL ne’ebé agora daudaun sofre moras.

“Agora daudaun Komandu Pesoál Formasaun nia responsablidade tutela hela ba mós Departementu Saúde Komandu Jerál PNTL, ita sempre orienta sira atu halo tratamentu ba membru PNTL sira ne’ebé moras, balun ne’ebé estroke ona hodi iha de’it uma, komandu sei la taka matan ba ida ne’e no sei halo tratamentu ba sira”, Superintendente Xefe Polísia, Arquimino Ramos hateten ba jormalista sira iha monumentu PNTL Caicoli, kinta ne’e.

Komandante informa, iha membru PNTL ne’ebé ativu hela, ezerse nia funsaun, to’o moras ho kondisaun saúde defisiénsia mentál ne’e mós parte Komandu PNTL la taka matan ba sira, tanba hirak ne’e halo kna’ar mak to’o ikus sai tiha nune’e, tanba Komandu PNTL kontinua nia responsabilidade ba ida ne’e.

“Ita-nia membru PNTL balun aleinde sira sofre moras estroke, iha barak mós hetan asidente bainhira hala’o servisu no iha balun mós hanesan membru ativu PNTL ne’ebé sofre defisiénsia mentál. Ita tenta oinsá mak komunika ho Ministériu Saúde atu sira ne’ebé moras bele halo tratametu”, Komandante Komandu Pessoál no Formasaun, Superintendente Xefe Polísia, Arquimino Ramos haktuir.

Jornalista: Natalino Costa

 Editór : Zezito Silva

Publisidade

Leave a Reply

Latest Post

error: Content is protected !!