Top

 UPM detein joven na’in-tolu hatama sigaru illegál iha fronteira 

90c4f5d8-1e3f-408b-a2a2-3e415ca3506f

DILI, 25 maiu 2023 (TATOLI) – Unidade Polísia Marítima (UPM) detein joven na’in-tolu tanba hatama sigarru ilegál hosi nasaun viziñu Indonézia.

Kazu ne’e akontese iha área Beacou, Postu Administrativu Atabae Munisípiu Bobonaro, iha oras tuku 17:00 lokraik kuarta (24/5) horseik, nune’e louhosi komandante postu hamutuk ho nia membru hala’o patrollamentu iha dalan no konsege asegura ema na’in-tolu iha área Beacou, lori ho evidénsia sira hanesan sigarru marka surya 12 hamutuk 38 bal iha plástiku metan hamutuk 19 iha karreta ida ho marka Toyota RAV 4 no plat B 13137 Tls.

Sasan hirak ne’e lori tama hosi fronteira Indonézia nian mak tama mai teritóriu nasionál.

“Sim, klaru hosi UPM liuhosi kompañia Bravo Bobonaro foin daudaun loron 21 halao hela seguransa ba eleisaun. Ami halo mós pasa revista auto stop iha parte Biacou nian mai to’o iha Atabae. Komandante Kompañia Bravo ho ekipa konsege deteta komunidade sira ne’ebé mak tenta hatama sasan illegál hanesan sigaru”, Komandante Unidade Polísia Maritima (UPM)  Superintendente Polísia Eugénio Pereira hateten ba jornalista sira iha nia kna’ar fatin UPM Seonál, kinta ne’e.

Nia informa, suspeitu na’in-tolu ne’e mane ida ho naran JPDJS, tinan 22, hela iha Aumutin Dili, enkuantu kareta nain mak sidadaun feto ida ho naran AGA tinan 38 no mós sidadaun feto ida ne’ebé sai hanesan sasin sa’e tuir kareta refere ho naran JV tinan 43 nune’e UMP halo kedan identifikasaun ba sira hodi aprezenta kedan suspeitu sira ne’e ba Komandu Eskuadra Atabae hodi submete ba prosesa tuir mai.

“Ami halo ona aprensaun ba evidénsia sira ne’e. Ita prosesa ona sira hodi aprezenta ba Komandu Eskuadra Atabae hodi nunee bele kontinua aprezenta ba Ministériu Públiku”, Komandante UPM) Superintendente Polísia Eugénio Pereira.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!