Top

PNTL buka tuir suspeitu ne’ebé sunu uma komunidade iha Viqueque

Logo PNTL (Foto/spesial)

DILI, 29 maiu 2023 (TATOLI) – Portavós Komandu Jerál PNTL, Superintendente Xefe Arnaldo Araújo, informa PNTL buka tuir suspeitu ne’ebé deskonfia sunu uma komunidade ida iha Suku Uma-Wain Leten (Lugasa), Postu Adminustrativu Viqueque Vila, Munisípiu Viqueque.

Vitíma ho inisiál CS hamutuk ho família sira iha Suku Uma-Wain Leten (Lugasa), vítima sira ne’e nia uma hetan tentativa dala rua atu sunu hosi ema deskoñesidu iha 21 maiu, maibé ahi la konsege han motuk hotu vítima sira nia uma, tanba viziñu no família sira ne’ebé hela besik iha fatin konsege rega mate tiha ahi. Nune’e vítima sira hasai sira-nia sasan no muda ba viziñu no família sira-nia uma maizmenus metru 10 hosi vítima sira nia hela fatin.

No tentativa daruak mak ema deskoñesidu sira kontinua halo aktus hanesan, sunu tán komunidade ne’e nia uma iha loron 28 maiu foin lalais maibé ahi la konsege han motuk hotu vítima sira-nia uma tanba viziñu no família sira ne’ebé hela besik iha fatin konsege rega mate tiha ahi.

“Ha’u hakarak fó hateten ba komunidade tomak iha territóriu laran, husu ba komunidade tomak labele rona informasaun ou labele rona boatus. Husu atu kalma no hakmatek, tau fiar mai Estadu no Governu sira nian seguransa atu asegura”, Arnaldo haktuir.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!