iklan

DESPORTU, DILI, HEADLINE

Prepara ba kopa AFC-AFF, FFTL hahú halo selesaun ba jogadór

Prepara ba kopa AFC-AFF, FFTL hahú halo selesaun ba jogadór

Logotipu FFTL. Imajen/Espesiál

DILI, 01 juñu 2023 (TATOLI) – Diretór Tékniku Federasaun Futeból Timor-Leste (FFTL) Gaspar Quintão hateten, FFTL hahú halo selesaun ba jogadór U-23 hodi prepara ba eventu internasionál kopa Asian Football Confederation (AFC) no ASEAN Football Federation (AFF) ne’ebé sei akontese tinan ne’e.

“Selesaun ida ne’e ita halo atu selesaun ba jogadór sira ne’ebé di’ak tuir versaun treinadór nian, ho esperiésia ita sempre derrota iha eventu intrenasionál sira mak ami halo mudansa ba selesaun, ida ne’e halo ba jogadór klube hotu ne’ebé hamahan aan iha Liga Futeból Timor-Leste (LFTL), nune’e ita bele hetan jogadór di’ak”, Gaspar dehan ba Agência TATOLI, iha Estádiu Munisípál Dili, kinta ne’e.

Nia dehan, selesaun ne’e halo direita hosi treinadór internasionál hosi Korea Súl ne’ebé durante ne’e fó hela treinamentu ba jogadór selesaun nasionál sira.

“Jogadór kuaze 100-resin mak mai tuir selesaun ne’e, tantu primeira divizaun no segunda divizaun, bainhira hare ba di’ak ita hatama ba selesaun U-23 nian, ita-nia tarjetu ne’e ba jogadór hamutuk 25, entaun 100-resin ne’e ita tenke tais halo didiak, selesaun ne’e halo loron rua ona hahú horseik no ohin no sei kontinua ba oin to’o ita hetan jogadór inti 25,” nia relata.

Tuir oráriu ne’ebé iha jogu AFF tinan 2023 sei hala’o iha fulan agostu no AFC sei hala’o iha fulan setembru tinan ida ne’e.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!