DILI, 07 juñu 2023 (TATOLI) – Hatudu prestasaun di’ak no ofrese medalla osan mean ba Timor-Leste, Sekretáriu Estadu Juventude no Desportu (SEJD), Abrão Saldanha, hato’o parabéns ba atleta ASEAN Para Games.
“Parabéns ba sira hotu ne’ebé hatudu prestasaun di’ak hodi oferese medalla ba Timor-Leste, maske sira difisiente maibé sira kompete ho di’ak tebes,” Abrão ba Jornalista-sira iha Palásiu Governu Dili, kuarta ne’e.
Daudaun ne’e modalidade tolu mak oferese ona medalla ba Timor-Leste iha eventu internasionál ne’e hamutuk neen.
Modalidade hirak ne’ebé kontribui medalla ne’e mak hanesan, Atletizmu medalla osan mean rua metan ida, alterofilizmu ka hit besi medalla osan metan ida no Tenis Meza hetan medalla osan metan rua.
Eventu ne’e halao’o iha nasaun Kamboja ne’ebé kompete hosi nasaun hamutuk 11 mak hanesan, Indonézia, Thailandia, Vietname, Kamboja, Myanmar, Laos, Filipina, Malázia, Singapura, Brunei Darusalam no Timor-Leste.
Jornalista: Hortencio Sanchez
Editór: Rafael Ximenes de A. Belo
