EUA-Portugal no Malázia hato’o sentidu kondolénsia ba falesimentu Isabel Ferreira
DILI, 20 juñu 2023 (TATOLI) – Embaxada tolu iha Timor-Leste, hanesan Estadus Unidus Amerika (EUA), Portugal no Malázia hato’o sentidu pésame ba falesimentu espoza Primeiru-Ministru Taur Matan Ruak.
“Lori Embaixada EUA iha Dili, ami espresa ami-nia profunda kondolénsia ba Primeiru-Ministru Taur Matan Ruak, Isabel da Costa Ferreira nia família, belun servisu no kolega sira ho povu Timor-Leste”, tenik iha komunikadu ne’ebé Agência TATOLI asesu, tersa ne’e.
Nota imprensa hateten Embaxada Portugal hato’o mós sentidu kondolénsia ba Xefe Governu ne’ebé foin lakon espoza iha domingu semana kotuk.
“Sentidu Kondolénsia ba Primeiru-Ministru no família”, tenik iha komunikadu Embaxada Portugal nian.
Iha oportunidade ne’e, Embaxada Malázia iha Timor-Leste mós fó sai liuhosi komunikadu hato’o sentidu kondelénsia ba PM Taur no família.
Jornalista: Hortencio Sanchez
Editór : Zezito Silva
