Embaixada TL iha Vietname loke livru kondolénsia ba Isabel Ferreira

DILI, 21 Juñuu 2023 (TATOLI)—Embaixada Timor-Leste iha Vietname loke livru kondolénsia ba Isabel da Costa Ferreira hodi fó oportunidade ba sidadaun hirak ne’ebé hakarak hato’o  sentidu kondulensia.

“Agora ami prepara ona meza ida, ai-funan no foto ida husi nia  (Isabel Ferreira) no mós livru kondolénsia  durante loron tolu nia laran,” dehan Embaixadora TL iha Vietnam, Maria Olandina Isabel Caeiro Alves ba TATOLI ohin.

Nia esplika katak Livru Kondelensia loke husi 21 Juñu 2023 to’o 23 Juñu 2023 hodi fó oportunidade ba sidadaun TL, Vietname no estranjeiru atu fó sentidu  kondolénsia.

Espoza Primeiru Ministru  Isabel da Costa Ferreira hakotu iis iha domingu (18/06/2023, tuku 20:48 OTL iha nia rezidénsia Metiaut, Dili.

Isabel Ferreira remata nia peregrinasaun iha mundu  ho idade  49  no sofre kankru intestinu iha faze ikus (terminadu).

Saudoza Isabel Ferreira sei hakoi iha Semiteriu Publiku Bekussi Dili hafoin hala’o misa Rekiem iha Igreja Parokia Nossa Senhira Imculada da Conceicao Balide iha tuku 15: 00 OTL, 21 Junu 2023.

Isabel da Costa Ferreira moris iha Same, munisípiu Manufahi iha 15 Abril 1974, Saudoza nu’udar advogadu, polítiku, eis deputadu no kandidatu iha Eleisaun Prezidensial tinan 2022. Mateus Ferreira no Ana Flora dé Jesus Ferreira nia oan-segundu husi maun-alin nain-13.

Nia estuda lei iha Indonezia no dedika nia moris barak liu ba asuntu direitus humanus, hodi fó sai abuzu ne’ebé komete durante okupasaun Indonezia nian.

Isabel da Costa Ferreira no Taur Matan Ruak kaben iha fulan-maiu 2001 no iha  oan-na’in tolu, labarik-mane ida naran Queshadip Ruak Ferreira de Vasconcelos no labarik-feto na’in rua naran Lola Ruak Ferreira de Vasconcelos no Tamarisa Ruak Ferreira de Vasconcelos.

Caeiro koñese Isabel Ferreira hanesan ativista puru

Emabaixadora Timor Leste iha Vietnam Maria Olandina Isabel Caeiro Alves, hataten durante tinan 20-resin habelun ho Dona Isabel Ferreira hodi hakilar ba direitu umanus no hakilar ba justisa iha Timor-Leste.

“Ha’u hakarak atu hateten ha’u koñese dona Isabel dezde tempu naruk maibé ha’u hahú besik dona Isabel iha 1999 banhira ami hanesan ativista ami hala’o ami nia kna’ar hodi ko’alia no hakilar ba direitu umanus ema nian no hakilar ba justisa iha ita nia rain” Maria Olandina Isabel Caeiro Alves informa ba  TATOLI via telefone ohin.

Nia esplika, iha 1999 dona isabel simu telefone husi ema Maliana ida dehan iha joven barak hetan entimidasaun husi militar Indonesia no presiza apoiu.

“Iha 1999 iha  fulan  marsu nia laran  dona Isabel  hetan telefone ema ida husi maliana   hato’o  katak iha joven balun mak hetan  entimidasaun husi militar indonesia   no presiza apoiu makas.No iha tempu hanesan hetan telefone husi amu paroku Maliana amu tavares ne’ebé   husu ami atu buka dalan atu salva  joven sira ne’ebé momentu ne’eba  sira refujiadu hela iha maliana .Entaun  iha altura ne’eba ha’u iha kareta ami ba Mailiana no konsegue to’o iha paroquia Maliana  ko’alia ho amu padre  hodi hateten  situasaun iha Maliana iha ne’e mai halo koordenasaun ho padre  sira atu lori sai  joven sira  ne’ebé mak    hamutuk 23  inklui mestre ida hodi lori mai Dili,”Nia afirma.

Nia subliña, husi Joven sira ne’e hela  iha HAK  entaun momentu ne’eba  lori sai joven sira mai Dili Dona isabel ho idade ne’ebé mak sei joven.

“ Ida ne’e hatudu  katak nia mós  brani hodi lori sai  joven sira  ho idade ne’ebé  mak sei joven hela,   maibé ami mós hetan ameasa  husi  ema barak maibé nia nafatin brani atu hateten katak  nia halao servisu   ida ne’e para haree ba ema nia direitu nu’udar ema nia moris.Tuir mai ami servisu besik liu Dona Isabel  iha tinan 2005 bainhira  harii ona CVAR  durante tina tolu nia laran entaun  ida ne’e dona Isabel laos kolega servisu ona  maibé hanesan ha’u nia alin ida agora  nia mate ida ne’e halo ha’u nia fuan moras tebes. Tanba ha’u lakon ema diak ida no alin ida  ne’ebé ha’u ko~nese kleur,” Nia konta ho tanis.

Nune’e Olandina agradese ba maromak tanba  bele husik  ona dona Isabel terus iha mundu ida ne’e.

“ Ha’u mós agradese ba maromak tanba  la husik nia terus tan  nia terus ba moras ida ne’e  kleur ona,  bainhira nia moras halo tratamentu iha singpaura  planu maromak nia ha’u ba hasoru nia iha  singapura iha fulan marsu 2023 antes nia fila fali ba Timor Leste iha ne’eba hasoru malu  ikus  depois ba vizita  ida ne’e  ami rua ko’alia  no hasai fotografia hamutuk  hamnasa hamutuk   depois nia fila ba Timor  ami nafatin mesajem ba malu buka  hatene nia  kondisaun saúde,”Nia esplika.

Nia afirma, bainhira dona Isabel fila mai Timor leste sei lakon vida tanba  moras ne’ebé nia sofre ne’e grave ona.

“Ha’u mós  hatene katak ikus mai nia sei lakon nia vida  tanba moras ne’ebé  nia hetan  ne’e grave tebes,  ha’u hanoin   durante tempu barak ami koñese  malu nia hatudu buat barak diak  ha’u hanoin ema   hotu hotu iha Timor hatene exemplu ha’u nia inan moras bainhira tama ospitál ha’u dook  nia mak halai ba halai mai ospitál  haree ha’u nia inan hanesan  ninia  no buat sira ne’e hotu   ha’u sente lakon boot  ha’u nia alin ka belun diak ida ne’e,” Nia hateten.

Tanba ne’e Embaixadór Timor leste iha Vietnam hato’o sentidu kondelensia ba familia dona Isabel liu liu nia kaben Taur Matan Ruak no oan nain tolu ne’ebé sei kiik.

“Ha’u hanoin tebes tanba nia husik nia familia liu liu na kaben Taur Matan Ruak nomós nia oan na’in tolu  ne’ebé sei presiza inan nia domin maibé hp planu maromak nian ita hotu entrega,”Nia  konklui.

Jornalista : Felicidade Ximenes

Editór : Zezito Silva