Top

JSMP husu lejislatura daneen altera Lei Pensaun Vitalisia no halo revizaun konstituisionál

Deputadu/a lejislatura daneen hasai foto hamutuk ho Prezidente Parlamentu Nasionál Eeleitu, Maria Fernanda Lay. iha sala plenária PN, kinta (22/06). Imajen TATOLI/Egas Cristóvão

DILI, 22  juñu 2023 (TATOLI) – Diretora Programa Monitorizasaun Sistema Judusiál (JSMP, sigla inglés), Ana Paula Marçal, husu ba Parlamentu Nasionál ba lejislatura daneen atu halo alterasaun ba Lei Pensau Vitalisia no  revizaun ba Konstituisaun.

“Ida ne’e dezde uluk kedas, ami halo advokasia ba ida ne’e, ida ne’e importante tebes, ita la’os dehan atu halakon liu, maibe ita mós tenke haree oinsa ninia mekanizmu, sé karik ida ne’e atu hamutuk de’it ba seguransa sosiál ka oinsá ida ne’e ita presiza haree didi’ak labele dubru”, Ana Paula Marçal, hateten ba jornalista TATOLI iha PN, kinta, ohin.

Nia dehan, presiza halo altereasaun ba Lei Pensaun Vitalisia hodi fó tratamentu ne’ebé hanesan.

“Ami fiar katak lejislatura foun agora, sei haree ba ida ne’e. Ami nafatin hamutuk ho sosidadade sívil atu kontinua dudu ida ne’e”, nia dehan.

Diretora husu ba deputadu foun atu halo revizaun ba Konstituisaun tanba lei ne’ebé ke iha artigu balun hosi iha ita-nia Konstituisaun RDTL la relevante ona, tanba uluk uza regulamentu UNTAET liuliu iha setór justisa.

“Agora ita iha lei foun ida, lei organizasaun judisiáriu atu organiza ita judisiál iha Timor-Leste atu haree fila fali sistema judisiál, sistema justisa iha Timor-Leste, entaun regulamentu UNTAET la presiza depois iha artigu ida ne’ebé koalia kona-ba elejibilidade atu kandidata atu sai Prezidente Repúblika, ne’e la relevante ona ita-nia situsaun agora. Ita husu mós atu iha alterasaun, tanba presiza de’it ema rihun lima, maibé populasaun barak ona ita presiza halo alterasaun”, nia adianta.

Nia husu katak tempu ona Parlamentu Nasionál atu halo alterasaun ba Kódigu Penál Timor-Leste no lei violasaun bazea ba jéneiru, tanba iha artigu balun la refleta ona ba situasaun Timor-Leste no difikulta sosiadade sivil atu halo nia servisu.

Aleinde ne’e, nia konsidera katak lejisatura anterior sira mós la kumpre pontualidade.

“Ita fiar katak ita-nia deputadu foun ne’e bele hadia liuliu pontualidade tanba ida ne’e importante kuandu sira la tama tarde no la tama ne’e laiha justifikasaun, ida ne’e impaktu ba korúm”, nia dehan.

Nia kongratula ba deputadu foun iha lejislatura daneen no kongratula mós Deputada Maria Fernanda Lay tanba feto dahuluk ne’ebé asume Prezidente Parlamentu Nasionál ba mandatu tinan lima.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!