Bendito Freitas alerta ba funsionáriu MNEK servisu ho responsabilidade
DILI, 03 jullu 2023 (TATOLI) – Ministru Negósiu Estranjeiru no Kooperasaun (MNEK) Bendito Freitas apela ba funsionáriu hotu iha MNEK atu servisu ho responsabilidade, seriedade no onestidade ho objetivu atu fó benefisiu ba povu no nasaun.
“Husu ba funsionáriu hotu, Ita labele hanoin fatin ida ne’e no departementu ida hanesan fatin mai para tur halimar de’it depois oras to’o fila, ne’e labele, ida ne’e ita halo krime bo’ot kontra nasaun, ita tenke servisu ho laran ho dedikasaun hotu atu lori objetivu ida atu transforma duni ministeriu ida ne’e hodi presta servisu di’ak ba ita-nia povu no nasaun”, Ministru Bendito iha loron dahuluk hala’o servisu iha MNEK, segunda ne’e.
“Ha’u hatete ba ita hotu iha ne’e, ha’u no ita hotu mai iha ne’e atu servi ba povu no nasaun, la’os servi ba ita nia-aan rasik, ida ne’e mak ita-nia misaun”, nia afirma.
Jornalista: Hortencio Sanchez
Editór : Zezito Silva
