iklan

HEADLINE, SAÚDE

Juñu : Servisu Saúde Munisípiu Dili rejista moras dengue 1.809

Juñu : Servisu Saúde Munisípiu Dili rejista moras dengue 1.809

Susuk aedes aegypti. Imajen Tatoli/Francisco Sony

DILI, 05 jullu 2023 (TATOLI) – Diretora Servisu Saúde Munisípiu Dili, Agostinha Segurado, hateten Servisu Saúde Munisípiu Dili, iha fulan juñu, rejista moras dengue hamutuk 1.809.

“Iha fulan juñu, ita rejista kazu dengue ne’e mai husi sentru saúde sira iha Dili laran, kazu ba moras ne’e hamutuk 1.809, ne’ebé afeta ba labarik kiik sira no la rezulta sira mate”, Segurando dehan ba jornalista sira iha nia kna’ar fatin Sentru Formosa, ohin.

Segurado dehan, Servisu Saúde Munisípiu Díli kontinua tau konsidersaun ba prevensaun ba moras dengue, maibé labele husik saúde mesak, tenke partisipa másimu hosi komunidade sira.

“Pelumenus iha areadór ida-idak nian atu bele haree hanesan bee nalihun sira, karik rai bee iha bidon sira tenke taka no presiza kímiku abate karik informa lalais mai postu saúde ka ekipa saúde na família sira, nune’e sira bele fornese no sira bele fasilita informasaun no métodu prevensaun, liuliu ekipa saúde ne’ebe mak la’o tama sai ba aldeia sira”, nia informa.

Diretora ne’e relata, kona-ba aimoruik kímiku laiha problema tanba kímiku malition no mós kímiku ba distribuisaun abate ba kombate susuk tolun sufisiente atu atende ba komunidade sira.

“Mákina ba fomigasaun ita iha 12, ne’ebé mak ida kiik ne’e ita disponível no kondisaun daudaun ne’e sira informa katak la iha problema”, nia konklui.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!